告五人4月登小巨蛋 網上留言求星爺親臨
廣告
無線娛樂新聞台報導：台灣樂團 告五人 4月就會首次踏上小巨蛋舞台展開佢哋嘅第一次巡迴演出，呢日佢哋就現身宣傳，順便公佈售票嘅細節喇。早前佢哋嘅表演曾經有歌迷借機會求婚，而拍拖多年嘅成員 犬青 同 雲安 ，一聽到記者朋友問有冇計劃喺舞台上求婚，就即刻耍手兼擰頭喇。
雲安仲話佢哋呢一對都係比較怕醜內斂，又話如果有好消息的話一定會同大家報喜呀。雖然婚事未有計劃，不過犬青嘅生日雲安就一早已經安排妥當，餐廳禮物都已經搞掂晒喇。
2月嚟到，就代表有情人嘅各位要盡快做準備喇，而佢哋亦都話到時會有禮物送俾一眾歌迷。而 哲謙 被問到成日擔任電燈膽會唔會羨慕時，佢就話自己玩樂器已經自得其樂，仲搞笑話樂器就係自己嘅後宮佳麗呀。
佢哋又話首次攻蛋，希望會場會有遊樂場嘅感覺，佢哋早前仲喺星爺周星馳嘅社交平台留言，希望到時會有機會請得郁星爺大駕嚟欣賞咁話呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
