新四十二章丨周嘉洛飛車輸咗 怒摑江嘉敏洩憤
廣告
無線娛樂新聞台報導：幾嬲都好，出手打人就真係唔建議大家咁做嘅！不過 周嘉洛 只係因為劇情需要，所以先怒摑 江嘉敏 ！呢晚佢哋同埋 Judy鄺潔楹 為劇集《新四十二章》拍攝一場「動作戲」，入面就講到嘉洛因為飛車輸咗，所以就遷怒江嘉敏，講講下仲一把摑埋去。
好多演員都話拍呢啲掌摑動作戲需要過一個心理關口，但嘉洛就講笑話本身係會有壓力，但係因為個對手係江嘉敏，所以今次自己就完全冇壓力，仲話對方係摟打呀！今次同台前幕後都合作得好開心嘅嘉洛，講到自己最深刻嘅一場戲，嘉洛就話呢啲飛車場面已經令佢好深刻，因為佢真實入面係唔識揸電單車，加上嘉洛又想睇下自己可唔可以型得起，難得而家喺劇入面有呢個機會，所以佢盡做呀！不過問到佢會唔會真係去考返個電單車牌？嘉洛就話對佢嚟講比較危險，都係揸好四個輒嘅車先再諗。
江嘉敏同Judy都話好耐冇見過呢啲飛車場面，所以佢哋兩個係現場都好興奮，自言連踩單車都搞唔掂嘅江嘉敏，仲話好開心可以坐到車尾呀！講到劇中成日有「動作戲」，Judy就話已經好習慣，佢仲爆已經喺劇中打咗三個男人呀，淨係爭陳豪未打咋！而被摑嘅江嘉敏，就話自己喺劇入面可以用「被虐待」嚟形容呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
《新四十二章》分集劇情及結局劇透？
新四十二章｜第1-5集：龔嘉欣患有生鬚怪病 陳豪患有失眠症
新四十二章｜第6-10集：糖妹登場疑似Final Boss！再世總舵主手上藏有兩頁尋寶筆記
新四十二章｜（最新）第11-15集：江嘉敏周嘉洛闖進神秘組織
新四十二章｜第16-20集：（待更新）
新四十二章｜第21-25集大結局：（待更新）
《新四十二章》與梁朝偉版本《鹿鼎記》為何有關係？
《新四十二章》呼應1984年劇集版《鹿鼎記》故事情節，融合歷史與功夫元素，劇中角色都與《鹿鼎記》的角色有微妙連結⋯⋯按此看詳情
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
