糖妹以特技妝變阿婆 笑言體驗到變老情況
廣告
無線娛樂新聞台報導：唔係第一次化特技妝嘅糖妹黃山怡，呢日為咗劇集《新四十二章》變身老婆婆，同江嘉敏、鄺潔楹、戴耀明拍攝外景。糖妹話化呢個老人妝一啲都唔易，好彩今次係喺冬天拍攝，如果唔係一定會出晒汗，令到啲膠水好易甩。糖妹又話化完呢個老妝之後，無論講嘢定食嘢都要好用力張開個口，食嘢更加要係摵碎佢逐少咁擺入口，所以糖妹笑言化完個老妝之後，完全感受到變咁婆婆嘅情況會係點呀。
但相比起之前化嘅外星人妝，呢次嘅老人妝已經係算小事，因為要戴埋外星人嘅隱形眼鏡，但因為個度數唔啱嘅關係，所以當時演戲時可以話咩都睇唔到，但今次呢個老人妝，就可以睇得好清楚下去演。
除咗老人妝，今次喺劇中糖妹亦不乏打戲，佢笑言今次拍呢套劇自己係打到不似人形，加上要夜班接日班，所以糖妹笑言係燃燒緊青春同肝功能嚟拍攝呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
《新四十二章》分集劇情及結局劇透？
新四十二章｜第1-5集：龔嘉欣患有生鬚怪病 陳豪患有失眠症
新四十二章｜第6-10集：糖妹登場疑似Final Boss！再世總舵主手上藏有兩頁尋寶筆記
新四十二章｜（最新）第11-15集：江嘉敏周嘉洛闖進神秘組織
新四十二章｜第16-20集：（待更新）
新四十二章｜第21-25集大結局：（待更新）
《新四十二章》與梁朝偉版本《鹿鼎記》為何有關係？
《新四十二章》呼應1984年劇集版《鹿鼎記》故事情節，融合歷史與功夫元素，劇中角色都與《鹿鼎記》的角色有微妙連結⋯⋯按此看詳情
