糖妹廣州舉行音樂會 預告今年回歸歌手身份將出新歌
廣告
無線娛樂新聞台報導：近年主力拍劇拍節目嘅糖妹黃山怡，呢日終於回歸歌手身份喺廣州舉行音樂會，之前因為疫情而延遲嘅音樂會，而家終於可以開得成，糖妹當然相當興𡚒，賣力為歌迷送上多首歌曲。
有份主演嘅劇集《新四十二章》就啱啱播完，佢喺劇中總陀主嘅角色深受觀眾歡迎，但係佢話由於個角色喺劇中好打得，所以擔心大家誤會咗，以為佢真人都好似個角色咁一樣武功了得，糖妹仲話因為驚大家之後都搵佢做打女角色，所以而家自己要做多啲gym練好啲體能先呀。
糖妹又呻其實自己都好想試拍啲浪漫戀愛劇，又指自己未試過有齣劇係有個男朋友有段甜甜的戀愛，所以自己好想試下！
講到最近為言承旭主演網劇獻唱主題曲《我的你》網上反應唔錯，亦有唔少網民指糖妹嘅唱腔同以往嘅作品有所改變，糖妹就解釋係作曲兼監製嘅許愿發掘佢溫柔嘅呢一面出嚟，仲講明叫糖妹係時候將唔同面向嘅自己，show畀觀眾睇。
嚟緊會將重心放返喺音樂上嘅糖妹，就話稍後會推出新歌，叫大家敬請期待呀！
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
《新四十二章》分集劇情及結局劇透？
新四十二章｜第1-5集：龔嘉欣患有生鬚怪病 陳豪患有失眠症
新四十二章｜第6-10集：糖妹登場疑似Final Boss！再世總舵主手上藏有兩頁尋寶筆記
新四十二章｜（最新）第11-15集：江嘉敏周嘉洛闖進神秘組織
新四十二章｜第16-20集：（待更新）
新四十二章｜第21-25集大結局：（待更新）
《新四十二章》與梁朝偉版本《鹿鼎記》為何有關係？
《新四十二章》呼應1984年劇集版《鹿鼎記》故事情節，融合歷史與功夫元素，劇中角色都與《鹿鼎記》的角色有微妙連結⋯⋯按此看詳情
