新四十二章｜古建築舉行宣傳活動 陳豪Zoie爆拍「裸泳」場面多人望
廣告
無線娛樂新聞台報導：天馬行空嘅劇集《新四十二章》劇情結合古今，唔少觀眾都大讚題材有趣新穎，而呢日一班演員就去到同樣經歷唔少歲月再活化嘅中環街市出席宣傳活動，大玩遊戲之餘又向現場觀眾派發紀念品呀。
日前播出一集， 陳豪 同 譚凱琪 全裸暢泳嘅場面，睇到唔少觀眾嘩聲四起，而呢日佢哋就分享當日拍攝嘅趣事喇，Zoie仲話當時已經秋涼，所以一早準備好薑茶驅寒，又話拍攝現場喺一間學校旁邊，所以唔少同學都一直睇住佢哋拍攝呀。同靚媽Zoie拍暢泳場面，阿Mo就口花花話興奮又開心喇。
大力神 龔嘉欣 喺劇中由頭打到尾，佢就話要多得幾次同監製 陳維冠 合作之後 練出好身手喇，佢仲話自己諗都諗過自己會被揀中拍打鬥場面，仲要同唔少男士對打，其實痛到入心入肺咁話呀。
而 江嘉敏 周嘉洛 同 鄺潔楹 就話嚟緊劇情非常緊張，Kaman仲爆出一句「死得人多」，似乎真係會有好大轉折喎。而早前被指為咗催旺事業同愛情，豪花40萬搬屋嘅佢，就話因為未有本事做業主，所以先會周不時左搬右搬，仲話會努力儲錢買樓呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
《新四十二章》分集劇情及結局劇透？
新四十二章｜第1-5集：龔嘉欣患有生鬚怪病 陳豪患有失眠症
新四十二章｜第6-10集：糖妹登場疑似Final Boss！再世總舵主手上藏有兩頁尋寶筆記
新四十二章｜（最新）第11-15集：江嘉敏周嘉洛闖進神秘組織
新四十二章｜第16-20集：（待更新）
新四十二章｜第21-25集大結局：（待更新）
《新四十二章》與梁朝偉版本《鹿鼎記》為何有關係？
《新四十二章》呼應1984年劇集版《鹿鼎記》故事情節，融合歷史與功夫元素，劇中角色都與《鹿鼎記》的角色有微妙連結⋯⋯按此看詳情
