新春保良迎金兔｜Chantel臨別《聲夢》戰友不捨 山聰封帝利是即加碼…
賀歲節目《新春保良迎金兔》呢晚錄影，除咗即將推出嘅賀歲劇《黃金萬両》嘅演員、踏入91歲生日嘅修哥 胡楓 之外，《聲夢》畢業生好似即將離港讀書嘅Chantel姚焯菲同一班戰友都有份出席，而Chantel仲趁即將離港向一班老友發表臨別感言呀。
Chantel話一定會掛住香港嘅大家，亦希望大家都要記得佢，更加話一有機會就會返港同大家見面，仲話會定時寫信俾大家呀。而After Class嘅隊友Yumi鍾柔美，一班哥哥姐姐好似Aeren文凱婷、Aska張馳豪、Rock何晉樂、Felix林智樂同Sherman潘靜文，都有唔少嘢交帶呢位妹妹，希望佢學業順利同生活愉快呀。
而踏入91歲生日嘅修哥，就話會同家人好友食飯慶祝，而早前已經刷新喺紅館開唱最年長紀錄嘅佢，就話要再破紀錄就要睇主辦單位嘅邀請再決定喇。
新任視帝 陳山聰 呢日都係嘉賓之一，佢仲話臨近新年加上正趕拍新劇，又有唔同活動要出席，自己就忙到一頭煙咁，所以過年前要同太太分頭行事各自張羅，佢仲話今年利是亦因為新春都繼續忙而要加碼準備呀。
至於幾位女士呢日都以喜慶打扮出現，新春期間佢哋仲各有唔同行程，好似 何沛珈 今年就冇得收爐要繼續開工喇，但係一樣遭遇嘅 戴祖儀 就話非常開心除夕會出發去澳門出席倒數活動，而同行嘅 林秀怡 仲話會做先頭部隊準備好晒迎接對方喎。
至於 黃美棋 就可以放假同家人好好度過喇，而 游嘉欣 就會出埠去韓國避年，唔怪得一班女士即時醋意大發猛話妒忌啦。
網民點睇？
小公主放心，小菲象一定等你番來💗💗💗
吾捨得小公主，不過會支持佢，會等佢返黎🥰🥰💖💖
Chantel 咁得人鍾意，點會唔鍾意你呢。我哋一班小菲象一定會永遠支持你💪🏻💪🏻同埋會好掛住你架💖💖🥰🥰
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
讀者留言
