與太太方媛同為蔡天鳳好友 郭富城眼眶通紅指非常悲痛
廣告
無線娛樂新聞台報導：由三大影帝郭富城、林家棟、任達華主演嘅電影《斷網》呢晚舉行首映，城城、家棟同埋監製鄭保瑞、導演黃慶勳，主演嘅 黃德斌 、 胡子彤 、 顧定軒 及 譚耀文等一同現身。
近期轟動全港嘅蔡天鳳碎屍案，案中受害人為城城老婆方媛嘅閨蜜，之前城城出席馬場活動時保持沉默未有回應，呢晚佢終於開腔首度回應慘案，眼眶略紅嘅城城，形容呢件係好悲痛嘅事，佢又指自己同太太都係對方嘅朋友，城城指現階段太太方媛需要一啲時間去處理情緒，而自己現時唔想講太多。之後城城接受訪問時，亦透露呢晚首映有特登邀請太太出席，希望佢可以出外走走散下心。
講到呢部電影係喺疫情最嚴峻嘅時候拍攝，拍攝期間仍然要時刻戴住口罩，如今疫情緩和，政府亦撤銷口罩令，觀眾終於可以除罩相見，城城同家棟都話相當感動。除咗拍攝期間因為疫情問題而令拍攝期無限延長外，城城話片中一場喺天橋踴下嘅動作戲亦令佢相當難忘。
黃耀煌、顧定軒可以同三位影帝合作，佢哋都話有趁機同三位偷師，當中黃耀煌仲話任達華對佢相當友善，又不時指點佢眼神等，令佢獲益良多。而顧定軒就話自己角色最難嘅陪份，就係要用肢體言語同眼神嚟做戲呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
