曾比特為冰室代言免費任食 至愛扒餐跟飯Keep Fit要忍口
廣告
無線娛樂新聞台報導：香港人嘅飲食特點，唔講茶餐廳又點得呢？西式中式小菜茶餐講得出都有，正式可以話係共冶一爐世界少見嘅特色嚟呀。呢日 曾比特 就為一間冰室代言活動現身，後生仔就梗係鍾意啖啖肉再扒飯夠飽足，而阿Mike就至Like扒餐加個白飯喇。
自稱食量驚人嘅佢，最跨張試過連食超過4打生蠔，不過近日就因為上鏡要靚仔啲，所以就要keep住忍吓口，保持減咗40磅呢個好成績喇。佢仲話因為減肥而愛上運動，更加步向操肌行列，希望以後有機會可以騷俾大家睇呀。
農曆新年即將嚟到，舊年去咗內地一段時間嘅佢，就話會留喺屋企同家人一齊好好過年，仲話要封大利是孝敬媽咪呀。
阿Mike喺內地嘅節目唱過唔少廣東歌，而當中亦包括日前離世嘅殿堂級大師 顧嘉煇 作品，阿Mike就話雖然身為90後，不過籍煇哥作品可以更了解當時嘅社會文化，更加非常榮幸可以演繹過《萬水千山總是情》呀。
網民點睇？
支持比特
食得是福
有D肉底你比較可愛
在此祝你食極都唔肥
事業萬事勝意！
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
