李克勤港樂騷Gigi任嘉賓 做足準備以防手汗作怪
廣告
無線娛樂新聞台報導：李克勤 同 港樂 合作嘅7場音樂會，話咁快已經去到尾聲，呢日克勤仲邀請咗佢「一手帶大」嘅 炎明熹 擔任嘉賓，仲齊齊合唱經典K場合唱歌《合久必分》，而Gigi仲以一套透視黑裙現身，同平時嘅少女打扮有好大分別喎。
克勤又話《聲生不息》拍攝時一齊相處足足幾個月，加上呢日Gigi以高踭鞋出現，仲被克勤笑佢真係快高長大得緊要咁話，連語氣都學到佢十足呀。
Gigi事後仲話，呢日本來係學校嘅綜藝表演日子，而佢同兩位同學早前參與歌唱比賽勝出，可惜呢日要登上紅館舞台，無奈唔可以同兩位同學並肩演出，仲話希望稍後會再一齊拍片表演一次，放上網俾大家欣賞呀。
呢日Gigi仲話，為咗以免自己嘅手汗引起尷尬，所以特別準備好咪套同手套，以防萬一呀。雖然Gigi已經有好幾次登上紅館舞台嘅經驗，但係對喺紅館展開自己嘅個人演唱會依然非常期待，不過佢就話要等自己再累積經驗同歌曲，好好學藝之後先再上台呀。
網民點睇？
Bravo Gigi live! Really like Gigi’s soothing emotional story-telling performance of 合久必婚 along with Gigi’s usual superb ad libs. 👍👍
Gigi 唱live 唱得好好聽👍
阿囡好靚女丫，演唱會加油❤
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
