梁朝偉角逐AFA影帝將出席盛會 衛詩雅任陳家樂兄弟團無懼被玩
廣告
無線娛樂新聞台報導：梁朝偉呢日出席新戲香港首映，今次佢跟好拍檔周迅再合作，更夥拍內地新一代小生王一博演對手戲，當中要埋身肉搏，起初偉仔得知要拍呢場激烈打鬥戲，佢都好擔心，幸好拍攝嗰陣冇受傷。
偉仔呢次好多普通話對白，喺上海進行拍攝時，日日搵老師練對白，偉仔當年拍過唔少經典劇集，之後跳出公仔箱轉戰影壇，佢亦有不少代表作，影帝榮銜數之不盡，轉眼出道40年，偉仔好想重溫拍電視劇初心，對合作單位持開放態度，譬如拍美劇、日劇、韓劇，接劇選擇多咗好多，偉仔覺得最重要係自己鍾意嗰個故事，同時喜歡嗰個演員組合。
第16屆亞洲電影大獎今個星期日舉行，偉仔有份角逐AFA影帝，屆時佢將親身出席，坦言係平常心。
衛詩雅、湯怡、沈震軒、許靖韻及洪助昇等呢日前來睇首映，衛詩雅透露將與湯怡出席陳家樂與連詩雅嘅婚禮，佢更擔任兄弟團成員，笑稱拒絕「刺探軍情」，佢想睇吓一班兄弟團被人玩！
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
