毒舌大狀｜票房閃電破8千萬紀錄 子華帶演員現身千人宴慶功
廣告
無線娛樂新聞台報導：被指以當年疑案為藍本嘅賀歲電影《毒舌大狀》上映以來好評不絕，早前先宣佈成為歷來港產片票房三甲，票房上畫短短十幾日已經突破7千5百萬，而呢日台前幕後一齊現身喺旺角舉行嘅千人慶功宴招待觀眾，仲再宣佈票房已經衝破8千萬喇。
呢日嘅100圍觀眾齊集慶功宴，真係可以話係久違嘅熱鬧場面喇，有份演出嘅 黃子華 謝君豪 同 王丹妮 等演員一齊現身多謝觀眾，而子華仲話見到咁多支持嘅朋友齊聚非常開心，更估唔到票房攀升得咁快，更加爆演員之間對票房有一個賭注，話自己只係期望達到5千萬票房咋。
子華近日已經開始為4月公演嘅舞台劇排練，所以謝票活動較少出現，不過知道有黃牛黨以高價炒賣舞台劇門票時，佢就話各個單位已經出盡辦法防止，可惜依然有漏網之魚咁話，仲話連自己都欠周身飛債呀。
近年都流行票房數字理想時，演員會以唔同方式找數，呢日謝君豪就以佢當年嘅經典角色開金口，演繹咗「南海十三郎」嘅其中幾句，而女子組曾經話過電影每收100萬就會騷1cm美腿，嚟到今日8千萬要找數都幾襟計，呢日Louise就話照計要騷到後背喇。
而日前網上電影花絮當中，佢同 廖子妤 仲有 柏天男 曾經拍攝一段親密場面，不過就冇喺電影出現，呢日佢就話係幕後相討之後嘅結果，亦都對佢哋考慮同決定百分之百信任呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
《毒舌大狀》加長版預計有哪些情節披露？
目前版本的《毒舌大狀》片長 2 小時 15 分鐘，但原來導演的初剪版本超過2 小時 35分鐘，當中備受討論的「加長版」情節包括⋯⋯詳情請看
