王灝兒 JW婚紗展以冧歌送祝福 透露未來婚禮只邀好友出席

JW婚紗展以冧歌送祝福 透露未來婚禮只邀好友出席

TVB娛樂新聞

廣告

無線娛樂新聞台報導:JW王灝兒 呢日出席婚紗展擔任表演嘉賓,以多首冧歌為在場嘅準新人送上祝福。唔講唔知JW對婚紗展相當熟識,難免令人諗到佢係咪靜靜雞嚟行過婚紗展,為佢嘅人生大事作準備,不過JW就解釋自己只係陪家姐嚟睇,所以知道籌備一個婚禮會有相當大嘅壓力。

嚟到婚紗展見到咁多對甜蜜嘅愛侶,問到JW會唔會有啲心動都想結婚?佢話完全冇呢個感覺,因為佢而家已經覺得自己好開心喇,每日起身做完運動,就係籌備自己嘅新歌同MV,JW話而家咁樣嘅生活就係令佢覺得好幸福喇。

提到自己心目中嘅Dream Wedding,JW話因為自己都參與過唔少婚禮,喺人哋婚禮上亦有唔同嘅體驗,令佢覺得到時自己結婚時,只會邀請啲真心戥佢開心嘅賓客出席。

呢日JW嘅家姐就帶埋囝囝嚟撐場,JW就話呢個姨甥仔從來冇睇過自己嘅演出,適逢家姐一家咁啱喺附近,所以就嚟咗現場。JW又話雖然姨甥仔好可愛,令佢有時都會想生小朋友,但當佢一諗到要照顧一個小朋友時,就覺得要好好諗清楚呀。

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:Youtube@TVB娛樂新聞台資料或影片來源:Youtube@TVB娛樂新聞台

讀者留言