萬千星輝頒獎典禮｜女主角女角色叮噹馬頭 煒哥陳瀅高Ling美儀惡鬥
佢哋早前為頒獎禮拍攝場刊時，就將心底嘅信心有幾大約略透露咗少少喇，喺《回歸》扮演一名失婚太太嘅 陳煒 ，似乎就信心十足，仲對同劇拍檔 郭晉安 齊齊成為視帝視后都一樣咁自信，不過佢就話大家都非常有實力呀。
而 陳瀅 分別以《痞子殿下》同時入圍女主角同最受歡迎電視女角色，似乎今年呼聲甚高，不過佢就話自己同非常鍾意《美麗戰場》中阿寶一角，加上兩套劇都非常受觀眾歡迎，所以自己極有信心頒獎禮當晚一定有機會上台咁話喇。
周街都認得嘅角色「車太」喺年末以雷霆萬鈞之勢狂吸人氣， 江美儀 就重提2013年時因為冇門票送俾家人見衁留憾，所以今年非常希望公司為佢安排兩張門票俾父母，等佢哋有機會可以即場見證喇。
而 高海寧 喺《童時愛上你》既係可愛小妹妹、又同時係冷酷女高層，不過佢呢日就話對手太強大，所以自己信心唔算太大喇。而 李施嬅 喺《金宵大廈2》再為觀眾帶嚟一段奇幻歷程，但係佢本人就話拍攝時太大壓力，所以呢次頒獎禮唔會為自己添加任何重擔，仲會祝福好拍檔 陳山聰 稱帝咁話呀。同樣雙線獲得提名；喺《美麗戰場》扮演記者嘅 劉佩玥 就話入圍已經心滿意足，仲話好渴望同 林盛斌 獲得最受歡迎電視拍檔呀。
至於首次入圍競爭視后嘅 張曦雯 喺《白色強人II》嘅演出備受愛戴，不過佢就話自己冇特別大期望，仲話如果打入5強已經係非常大鼓勵呀。
而喺《法證先鋒V》敢愛敢恨嘅 王敏奕 亦入圍最受歡迎電視女角色，不過佢就話戥好多入圍嘅好朋友更開心喇。至於憑《愛．回家之開心速遞》搞笑三太殺入名單當中嘅 樊亦敏 ，仲話多得團隊大家協助，角色先有得入圍，所以非常感謝觀眾支持呀。
日前有報道指 龔嘉欣 未能入圍視后十強而失望落淚，不過呢日佢就解釋呢段笑料嘅由來喇
網民點睇？
全部都係實至名歸嘅大衆🐤🐔
Support Selena! She is a talented actress and portrays each character excellently.
炜哥，胡定欣都係TVB大姐级接班人😎
将来主持，演劇，綜藝都要有佢哋撑住
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
讀者留言
