詹天文憧憬校園戀愛 感激fans送上驚喜生日應援

詹天文憧憬校園戀愛 感激fans送上驚喜生日應援

TVB娛樂新聞

廣告

無線娛樂新聞台報導:3月2號就係Windy詹天文嘅17歲生日,佢嘅一眾天文台為佢準備咗好多驚喜,除咗設計多款周邊產品外,仲幫佢買咗個巴士車身廣告,呢日仲包咗一間海景餐廳嚟同Windy開生日會,而Windy當然有趁機同fans嚟個近距離互動啦!見到fans咁用心幫自己搞生日會,Windy都話相當驚喜呀!

講到fans特意為佢製作嘅應援物品,Windy就話自己都有留意到,仲話因為fans花咗好多心機去設計,所以無論係車身廣告,定係其他應援物品佢都覺得好靚,Windy又話知道稍後fans仲準備咗燈箱等應援物品嚟應援佢嘅新歌,所以佢自己都期待緊呀。

Windy為劇集《新四十二章》獻唱片尾歌《原來寂寞得多》獲網民力讚,日前佢就為呢首歌拍攝MV,佢仲同我哋分享MV嘅故事,Windy話由於首歌係青春校園曲風,所以個MV都係喺學校度拍。由於首歌係講一個女仔寂寞時會同啲姐妹玩樂,又會諗起同自己鍾意嗰個男仔嘅小經歷,而家都係讀緊書嘅Windy,就話都會諗起自己校園嘅經歷,至於問到佢校園戀愛?Windy就話自己係好憧憬嘅,但奈何真係冇時間,加上就嚟考DSE,所以都係專注學業同工作先呀。

網民點睇?

支持Windy❤❤❤

支持原來寂寞得多、及新派台歌沒有你的新學期。加油, Windy。💜💜💜💪💪💪

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0

《新四十二章》分集劇情及結局劇透?

新四十二章|第1-5集:龔嘉欣患有生鬚怪病 陳豪患有失眠症
新四十二章|第6-10集:糖妹登場疑似Final Boss!再世總舵主手上藏有兩頁尋寶筆記

新四十二章|(最新)第11-15集:江嘉敏周嘉洛闖進神秘組織

新四十二章|第16-20集:(待更新)
新四十二章|第21-25集大結局:(待更新)

《新四十二章》與梁朝偉版本《鹿鼎記》為何有關係?

《新四十二章》呼應1984年劇集版《鹿鼎記》故事情節,融合歷史與功夫元素,劇中角色都與《鹿鼎記》的角色有微妙連結⋯⋯按此看詳情

撰文:東方新地圖片來源:[email protected]娛樂新聞台資料或影片來源:[email protected]娛樂新聞台

讀者留言