視帝出巡倒數賀新春 陳山聰《ABCD》唱爆商場
廣告
無線娛樂新聞台報導：啱啱月初喺台慶頒獎典禮勇奪視帝寶座嘅 陳山聰 ，一獲獎工作就接踵而來，喺年卅晚應商場邀請擔任倒數嘉賓，仲獻唱當年歌手身份推出嘅歌曲《ABCD》同大家齊齊迎接兔年來臨。山聰又喺現場同大家玩遊戲同派利是，氣氛非常熱鬧。
今年已經係山聰入行嘅30周年，既然呢日重唱出道作喇，佢就話有計劃再推出新音樂作品紀念，再提提大家過往嘅歌手身份呀。入行咁多年來，首次為新年倒數擔任嘉賓嘅佢，又話非常開心得到視帝大獎之後就有咁多工作，令自己格外感恩呀。
自從成為爸爸之後就成日大曬小朋友可愛成長過程嘅佢，呢日又講到希望再追一胎，仲話如果追到一個月就非常完美咁話呀。
近日已經為新劇《奪命提示》密鑼緊鼓拍攝嘅佢，再次同 劉佩玥 合作之餘仲同 張振朗 第一次合作，山聰仲話呢兩位拍檔冇得頂，當中仲有唔少火花咁話呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
