陳柏宇霸氣邊唱邊拉褲鏈 笑言自己係安全size唔會跌出嚟
廣告
無線娛樂新聞台報導：陳柏宇Jason早前成為首位被日本一個音樂平台邀請上去唱歌嘅香港歌手，由於條片極速過咗百萬點擊，所以呢個平台好快又再邀請Jason再上去獻唱。呢日Jason喺亞博舉行《陳柏宇 feat. 九龍搖擺俱樂部演唱會2023》，除咗獻唱fans投票嘅歌曲外，亦都有唱返喺日本音樂平台上獻唱過嘅歌。
當Jason唱到歌曲《閱後即焚》嗰陣，見到有fans不停擇手，Jason以為對方係想自己行近啲，點知當佢行近時，原來fans係想提醒佢唔記得拉褲鏈！雖然件事係勁尷尬，但係Jason就完全冇面紅，仲一邊唱歌一邊單手拉返起條褲鏈，相當霸氣，所以幾時都話「你唔尷尬，尷尬嘅就係人哋」啦！
除咗冇拉褲鏈呢單笑料之外，演唱會上亦有感人場面，就係fans們偷偷地為同工作人員為Jason炮製驚喜！喺佢唱完《認真如初》之後，全場觀眾高舉起手幅兼大合唱《永久保存》，唔知情嘅Jason見到呢個震撼嘅應援畫面之後，即時O晒嘴，之後仲要坐喺地上平伏心情。
騷後接受訪問嘅Jason，被問到唔記得拉褲鏈事件，佢就話自己成日都會唔記得，仲笑言可能換成扣鈕嘅自己先會記得扣，問到佢怕唔怕會畀人影到走光相？Jason又再次霸氣咁話自己未有咁大抽會跌出嚟，而家個size係安全同夠用嘅，佢又話因為唔係真空上陣，所以唔擔心呀！
講到就快生第二胎嘅太太，Jason大讚對方身體好強壯，仲話之前自己同囡囡分別中招，老婆照顧完佢哋都冇事，至於問到心情會唔會好緊張，Jason就話自己係期待多啲呀！
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
