陳瀅入行十周年Fans開Party慶祝 新作入選紐約電影節心情興奮
廣告
無線娛樂新聞台報導：近日啱啱完成《痞子無間道》拍攝嘅 陳瀅 轉眼原來已經入行10周年，日前佢就同一班Fans聚會見面，一齊紀念呢個咁特別嘅日子喇。Fans除咗送上唔少禮物之外，又將會場佈置得美侖美奐，而Jeannie睇到剪輯過往十年嘅唔同演出片段之後，仲感觸到落淚呀。
甚少同咁多Fans一齊聚會嘅佢，就話到場前都有少少緊張，回想過去十年轉眼就過，佢就話要多得各位Fans一直支持自己喇。至於會唔會為新一個十年定立目標，佢就話唔敢諗太多喎。
同《痞子》拍檔 JW 朱敏瀚 仲有原先甩底嘅 周嘉洛 一齊去完泰國拍攝節目嘅佢，仲話呢次旅程非常開心，仲話過程有唔少非常難忘嘅片段，更加爆被節目組挑戰大家嘅底線，仲要開口對大家講自己嘅心底話呀。
至於佢主演嘅一部犯罪劇集早前入選紐約電影節，而佢扮演嘅心理學家呢次同好多新拍檔合作，仲話拍攝時全程都係大考驗，呢次經驗有趣又難忘咁話呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
