隱形戰隊丨幫手挖泥坑活埋自己 劉佩玥緊張指寧可拍打鬥戲
廣告
無線娛樂新聞台報導：就如劉佩玥Moon喺呢條訪問片中嘅第一句「自己的坑自己挖」，為咗拍劇集《隱形戰隊》中，自己被藏木箱活埋嘅鏡頭，Moon決定身體力行幫手挖坑，但剷唔夠兩下，就因為手腳太慢而被工作人員嫌棄叫佢行埋一邊等，相當搞笑。
呢日由於拍攝講述Moon被鏗少強姦虐待後，將半死嘅佢困入木箱再用泥土將佢活埋。正式埋位前Moon仲扎扎跳周圍走，又同攝影師展示自己偷偷地帶咗條蛋白棒同電話喺身，笑言被活埋之後可以喺木箱入面開餐食蛋白棒，驚嘅話又可以開着電話入面個電筒呀！雖然講到好似好輕鬆咁，但其實Moon內心不知幾驚，佢接受訪問時仲坦誠心情好緊張，仲話活埋唔比拍打鬥戲嚟得輕鬆。
至於另一邊箱嘅馬國明、唐詩詠同林子善就拍營救Moon嘅戲份，子善為咗搵返Moon仲不時喺山頭仆親，不過佢哋都過呢日嘅戲份相比起打鬥戲嚟講簡直係輕鬆。講到劇中有大量打鬥戲，詩詠就話自己寧願拍打戲，都唔想再拍追車戲，因為自己頂唔順暈車浪呀！
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
《隱形戰隊》陳展鵬角色成為全劇MVP？
陳展鵬飾演的大奸角匡勝天，不論獄中已秘密展開復仇計劃，出獄後更將魔爪伸延至POTT及CTRU以外角色，結局周最後五集劇情非常緊湊，劉穎鏇與劉佩玥已雙雙遇害命危，陳展鵬的頭號目標江美儀亦難逃一劫⋯⋯按此看結局劇情劇透
《隱形戰隊》大結局將會死多於五人？
據知匡勝天復仇計劃「唔止咁簡單」，魔爪將伸延至POTT及CTRU以外角色，結局周除了再有重大犯罪事件，傷亡亦相當慘重，死亡角色人數更是五隻手指數唔晒，更盛傳連主線角色亦難逃一死⋯⋯按此看結局劇情劇透
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
