StarTalk丨馮允謙首踏紅館笑指兄弟感情將決裂 隨年齡增長易眼淺
廣告
無線娛樂新聞台報導：馮允謙（Jay）將於今年3月首踏紅館，個唱海報希望以不同顏色呈現不同面向，同時充滿玩味，今次Jay願意嘗試勁歌熱舞，雖然佢自知跳得唔夠好，不過佢覺得跳完一身汗，反而喺舞台感覺整個人輕鬆啲，暫時未知跳幾多支舞。
Jay坦言第一次開紅館騷，知道爸爸媽咪一定返嚟睇，佢感恩每次歌唱事業陷入低潮期，總會獲得家人支持及鼓勵，Jay笑指兄弟感情就嚟決裂：「上年因為阿哥忙，細佬就book咗機票去旅行，冇嚟到！我上次唔係有啲嬲，直頭係失望，半年前已經同佢哋講會開騷，哥哥話會返，但係啱啱收到訊息，佢話有機會未必返嚟，因為嗰段時間可能去其他地方做嘢，我話唔好做兄弟，你唔返嚟！」Jay笑指阿哥嘅驚喜就係唔嚟，因為我估佢會入場。
Jay與女友長期分隔兩地，因工作繁忙未有太多時間陪伴，Jay又指：「今次佢話返嚟，我聽住先，有好多變動，我唔係放棄，到嗰日睇吓佢哋喺唔喺度，佢（女友）係支持我，有時工作忙完，返屋企已經瞓咗，係我啱！係我衰，仲話嬲人哋唔嚟。」Jay最深感不捨係當事業越來越好，嫲嫲離開咗，見證唔到呢個時刻，曾為嫲嫲寫咗一首《給缺席的人唱首歌》，佢坦言隨住年齡增長、經歷多咗容易眼淺。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
