馮素波百無禁忌拍殯葬節目 與顧定軒合作解負面印象
廣告
無線娛樂新聞台報導：波姐 馮素波 早前同 顧定軒 合作，拍攝一個以殯葬服務為主題嘅節目，當中佢哋送別流產嘅胚胎、又為獨居離世嘅逝者灑骨灰，呢日佢哋喺一間殯葬社企為節目宣傳，就講到拍攝後有好大感受喇。
顧定軒 就話自己對撒骨灰嘅體驗非常難忘，仲覺得人走過一生，終結亦不過輕如細塵，所以有好大感觸。而波姐就話自己百無禁忌，仲認為將正面資訊帶俾大家係佢哋嘅責任呀。
顧定軒仲話同波姐合作之後獲益良多，到訪墳場時仲同波姐葬喺當地嘅阿叔阿嬸自拍合照，波姐就話只係尊重去探訪老人家，唔係去搞事所以冇有怕。
波姐最近喺電台開咪主持節目，遲啲又會演出粵劇、5月又會開騷唱歌，不過佢就話唔會跳舞，仲自嘲腳骨唔夠力呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
