StarTalk｜林宥嘉越洋訪問曬廣東話 4月再登紅館帶全家同行
廣告
無線娛樂新聞台報導：4月底就會再次嚟到香港展開音樂會同歌迷見面嘅 林宥嘉 Yoga Lin 日前接受咗 許文軒 Edmond Hui 《StarTalk》專訪，Yoga自2019年之後再次來港開騷，不過廣東話就似乎一樣流利，但係Yoga就話要好好練習再同大家好好溝通喇。
闊別近4年之後，經歷完翻天覆地嘅變遷，好多人嘅心態都變得唔再一樣，Yoga就話自己都同大家一樣，希望以全新嘅心境為大家演出喇。雖然早前喺新加玻演出時，因為過敏而影響喉嚨同聲線，到溫哥華同樣因為感冒而有影響，不過佢就認為只要保持信心，就會好似呢兩次表演一樣，最後都會迎刃而解，又話會以最好狀態來港同大家見面呀。
同香港唔少音樂人有合作嘅佢，就認為係可能自細聽唔少廣東歌令自己潛移默化，而同佢哋合作亦有唔少良好經驗，仲話到時希望邀請呢班好朋友同欣賞嘅歌手一齊到場欣賞呀。
已為人父嘅佢，近來出發巡迴都會非常掛住兩位小朋友，而呢次佢除咗打算帶埋太太子女來港之外，仲話已經約好父母一齊，到時順道周圍遊覽呀。至於會唔會同生育後已經復出嘅太太 丁文琪 ，佢就話非常期待，不過就要等有機會先可以實行喇。仲提到新碟中嘅MV當中會大曬肌肉咁話呀。
網民點睇？
❤️❤️❤️❤️❤️
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
