鄺潔楹 一舞傾城

一舞傾城|鄺潔楹捱37度高溫赤腳行甲板!楊明孖姚子羚360度激吻咀唔尷尬

tvb娛樂

廣告

由王晶擔任製作人、鍾少雄監製的《一舞傾城》,逢周一至五晚九點半翡翠台播映。昨晚(24 日)播出一集,劇情講到細細粒(鄺潔楹 Judy飾)有感連累 Money(文凱玲飾)欠下周身債,遂答應陪練馬師上船過夜幫手還債,怎料練馬師有鋪 SM 癮,被綁在床上的細細粒慘遭練馬師蹂躪,最終導致遍體鱗傷。

一舞傾城|鄺潔楹拍SM戲主動要求被綁 勁緊張兼不安

鄺潔楹於相關場口將角色的恐懼、不安、崩潰等情緒演繹到位,令不少觀眾大感心痛。講到相關場口,鄺潔楹坦言很緊張:「從演以嚟都未試過咁大尺度,事前都有做定功課參考一啲虐待戲應該點拍。」鄺潔楹續指一換上 SM 戲服已經入戲,她說:「一上到張床鎖上個手扣,個不安感覺已經出咗嚟,對我嚟講係好真實,呢場戲我係一秒都冇放鬆過,就連排戲嘅時候我都叫佢哋綁住我,因為我想攞嗰種感覺,同埋見到好多刑具喺現場,望落去已經好驚,所以我係用當下嘅情緒去做呢場戲。」問到事後有否陰影?鄺潔楹說:「都冇嘅,嗰日係我嘅煞科戲,知道拍埋呢場就冇辛苦戲,所以之後嘅心情都有放鬆到。」

鄺潔楹 細細粒慘被練馬師 SM。
細細粒慘被練馬師 SM。(圖片來源:TVB提供)
鄺潔楹 一舞傾城
鄺潔楹主動要求被綁,因為想攞個感覺(圖片來源:TVB提供)

一舞傾城|鄺潔楹捱37度高溫赤腳行甲板:畀火燒咁

講到之後的落船崩潰戲,鄺潔楹坦言:「本身係擔心應付唔嚟,因為比較少做情緒化嘅戲,呢個唔係我嘅強項。拍呢場戲另一個難度,就係當時天氣有成 37 度,劇情係要我赤腳行落甲板,一踩落甲板已經好唔舒服,好似畀火燒咁,成個人癲咗咁,有啲位係嗌咗出嚟發泄,呢場戲最終兩 Take 就搞掂,當下演出嚟係最真實。」

鄺潔楹 呢場崩潰爆喊戲,鄺潔楹話最辛苦係赤腳行甲板,好似畀火燒咁。
呢場崩潰爆喊戲,鄺潔楹話最辛苦係赤腳行甲板,好似畀火燒咁。(圖片來源:TVB提供)
呢場崩潰爆喊戲,鄺潔楹話最辛苦係赤腳行甲板,好似畀火燒咁。
呢場崩潰爆喊戲,鄺潔楹話最辛苦係赤腳行甲板,好似畀火燒咁。(圖片來源:TVB提供)

一舞傾城|楊明孖姚子羚360度激吻咀唔尷尬

今晚一集的重頭戲,有楊明一個打十個的精彩動作戲,以及與姚子羚的激吻場口。講到與子羚拍咀嘴戲,楊明說:「我同子羚本身都好 Friend 都冇咩尷尬嘅,原本以為只係好簡單嘅鏡頭,點知拍攝時導演要一個 360 度嘅 Shot,拍完順時針之後再要拍埋逆時針,第一次接觸呢個拍攝方法,呢個鏡頭都拍咗好幾分鐘。」講到一個打十個的大型動作場口,楊明說:「呢個係我成套劇第一日拍嘅動作場口,武術指導陳中泰安排咗一 Shot 落、連續打十幾個嘅鏡頭,因為一 Shot 落關係,所以有咩甩漏就要重新拍過,記得拍咗成十幾個 take,差唔多成六、七個鐘,個停車場又好焗,真係由頭濕到落腳,嗰日係比較辛苦同吃力。」提到劇中有不少動作場口,楊明說:「睇到劇本時都已經知道有好多動作場口,所以喺 21日隔離期間都有喺房 keep 住做運動,務求保持最佳狀態。」

鄺潔楹 楊明仲會一 Shot 落一個打十個。
楊明仲會一 Shot 落一個打十個。(圖片來源:TVB提供)

TVB《一舞傾城》陳法蓉將率領幾多位索女在舞廳工作?

《一舞傾城》以八十年代尖東舞廳做背景,預告片中陳法蓉將率領一班無綫女藝人集體下海⋯⋯按此看角色介紹

TVB《一舞傾城》劇情背景與那一套劇相似?

有觀眾表示,劇集出發點如果係仿效《華燈初上》,難免貨比貨,而新劇《一舞傾城》的風格與無綫1990年代的一部經典劇集極為相似,有觀眾提出不如改劇名⋯⋯按此看劇情介紹

圖片來源:TVB提供劇照