熊黛林嫁郭可頌 準「姑奶」郭可盈送祝福

日前，熊黛林(Lynn)出席模特兒公司春茗時，穿deep V低胸裙兼大晒左手中指估計過百萬的3卡方形鑽戒，Lynn大方承認已答允男友郭可頌(郭可盈胞弟)求婚，並甜蜜蜜表示求婚過程有鮮花戒指好簡單，大讚郭可頌係Mr. Right：「佢好孝順，真係一個有計劃嘅人，好有誠意，好努力改變，唔係得把口，好似以前佢對小朋友冇乜耐性，依家改變好多，做嘢好勤力，永遠親力親為。」唔係「得把口」呢句，Lynn仲重覆咗幾次，唔知佢以往的男朋友係咪只係「得把口」，所以Lynn咁重視呢方面。

而昨晚Lynn的前男友郭富城出席《香港電影導演會》周年晚宴暨年度頒獎禮，對於前度要結婚，城城大方笑住送祝福。而Lynn今日亦終於在微博公布喜訊…

公開表示搵到人生中的Mr. Right，而未來姑奶郭可盈嗰關亦過埋，剛才郭可盈就在微博貼相祝福未來弟婦幸福。

Lynn唔止冧掂姑奶，就連郭可盈的囡囡津津(乳名)亦錫晒佢，好幸福呀！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk