三上悠亞進軍K-POP 夥兩女優組女團出道
日本AV天后三上悠亞係邊個，相信小編都唔使多介紹啦，近日就盛傳佢下月會進軍韓國演藝界，以女團成員身份出道！有人擔心佢從此唔再拍大家至愛的成人電影，亦有人擔心佢會對韓國樂壇帶來不良影響。三上悠亞去向如何，今日終於有答案啦！三上今日正式宣布佢會同另外兩位日本女成員組成「HONEY POPCORN」，3月14日就發布第一張單曲及舉行出道showcase！大家支唔支持呢？
三上悠亞進軍K-POP
日本AV天后三上悠亞，最拿手當然係拍AV啦，不過話晒佢以前係偶像女團SKE48成員，依家又以性感組合惠比壽麝香葡萄成員身份四出表演，做歌手夠晒經驗。三上去年喺首爾舉行過見面會，佢當時話好鍾意韓國，仲話想同韓國男仔拍拖！日前傳出三上去韓國做歌手的消息，如果事成的話，就會係歷史性有日本AV女優喺韓國作為歌手出道！
女團「HONEY POPCORN」
大家估估吓之際，三上悠亞今日就宣布與日本女成員櫻萌子、松田美子組成女團「HONEY POPCORN」，正式進軍韓國樂壇，佢哋會於3月14日舉行出道showcase見歌迷，亦會喺同一日發布第一張單曲《Bibidibabidi》（비비디바비디）。據知呢張專輯係三上有份自費參與製作，睇得出佢真係好有決心喺韓國大展拳腳！
AV女優陣容
至於三上悠亞的兩位拍檔，櫻萌子及松田美子其實都係AV女優！櫻萌子曾是偶像團體「Bakusute外神田一丁目」成員，後來轉戰AV界，加盟片商Muteki成為三上悠亞師妹；另外松田美子本名岡田梨紗子，曾經係組合NMB48研究生，去年整容兼改名後加入AV界。唔知三位靚女啱唔啱韓國歌迷口味呢？
