內地留學 日學生晒O嘴見聞

最近，有一位在內地留學四年嘅日本學生，網名叫loveandjoy117，同大家分享喺內地所見所聞！其中有好多令佢感到「匪夷所思」生活百態，而其他日本網友睇完後O晒嘴，大叫「無法理解」！

內地有些嬰兒車上座位會開一個窿，咪就係方便大小二便囉！其實唔止BB車，內地好多細路都着開襠褲，不過，對於愛乾淨嘅日本人來說，這樣邊坐邊……，令好多人都唔敢想像！

內地海鮮市場乜都有得買，魚蝦蟹之外，仲有新鮮生猛鱷魚仔一條，又真係令人O晒嘴！

廁板爛到咁認真誇張，除非開大時狂un，不過loveandjoy117表示只坐了兩個月就裂開，咁嘅質量又真係令人無法接受。

內地超市買番嚟嘅綠茶雪糕，顏色深到似油漆，難怪被質疑經過後天加工，最後梗係冇人敢食！

內地都有洗街車，不過啲水唔止洗路，仲會幫人洗車，甚至能幫你沖埋涼，慳番水費，一舉三得！

該留學生入住嘅單位，未住已經水浸，包租公更表示：「乾了就可以住」，而且仲唔使旨意退訂，盡顯強國霸氣！

馬路旁邊拆樓(藍圈)搞到交通擠塞大混亂，更引致煙霧灰塵瀰漫！有司機為趕時間，妄顧安全，直接撞開欄杆(紅圈)殺出一條血路！

天氣熱，旅遊巴司機唔開冷氣，選擇於行駛時打開車門吹吹風。人哋都係想為環保出分力，唔使大驚小怪喎！

相片來源：matome.naver.jp/

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk