為冧女友陳瀅 猷亨冷掟波贏公仔

wp

廣告

雖然下周日先係情人節,但陳瀅同男友何猷亨、10A麥明詩與男友林作兩pair情侶提早慶祝,昨日下午約5時齊齊去中環AIA嘉年華,由天光玩到天黑!

陳瀅同猷亨相當sweet,不時十指緊扣,猷亨又旁若無人攬實女友纖腰!相反麥明詩同林作就較為避忌,全程最多並肩而行!

為氹女友開心,猷亨主動拉陳瀅去玩掟波波,猷亨為贏《Big Hero6》公仔,晒冷大灑金錢狂掟,最後贏晒大細獎,令女友即時心花怒放,大讚男友:「嘩!你好犀利呀!」猷亨被讚面都紅晒!到揀公仔時,二人十五十六,一個話要紅色、一個就話要白色,最後猷亨索性要晒兩隻色,仲幫女友拎公仔,認真貼心!

入夜時,四人食完爆谷隊完啤酒後,陳瀅雖然被粉絲認出,但仍大方任影!

之後四人結伴玩「Star Flyer」機動遊戲盪鞦韆,期間陳瀅同猷亨自拍甜蜜合照,而陳瀅白色帽飛脫揈落地,猷亨玩完遊戲梗係第一時間幫女友執番頂帽,盡顯風度!

約晚上七時,麥明詩與林作搭的士先行離開,猷亨與陳瀅則步行至四季攞車,男方載女友去麼地道會合其家人,最後依依不捨獨自駕車離開。

全文完