dX1dUqxw

2015聖誕電影攻略 《葉問》單挑《星球大戰》

 

雖然天氣不似預期咁凍,但原來不經不覺已經嚟到十二月,好快就係普天同慶嘅聖誕節!除咗食大餐、睇燈飾,入戲院睇番場戲就當然少不了。除咗萬眾期待嘅《星球大戰︰原力覺醒》,其實聖誕檔期都仲有唔少選擇!《新地網》現在為你一一介紹!


1. 全球矚目《星球大戰︰原力覺醒》

AN74804427Star-Wars-The-For EP7_IA_79842_R_1447246617


電影一開始承接《武士復仇》的結局,此時絕地武士已幾乎絕跡,只剩下天行者盧克一人。佢對原力又愛又怕,自覺無法駕馭呢個強大的力量,擔心被原力黑暗面引向墮落,所以從此銷聲匿跡三十年。

三十年後,今集全新角色拾荒者Rey、Finn等人意外執到了一段機械殘臂,殘臂手中仲握住一把激光劍。佢哋揾到改做領航員的Han Solo以及Chewbacca,Han Solo一眼就認出係盧克的光劍,於是一行人出發尋找盧克之旅,不過全新敵人已經等待緊佢哋…

EP7_IA_175875_J_1447225953EP7_IA_128464_R_1447246620


點解睇︰

《星球大戰》自1978年推出第一集起,至今已是歷史上其中一個最經典的電影系列,事隔10年再出新一集,全球影迷定必引頸而待。除了初次登場的新演員,夏理遜福、馬克漢米爾等舊作的演員都會再次在本片中出現,一眾新舊演員將譜出全新故事。星球大戰一觸即發,無論你是否星戰迷都絕對不容錯過!

主演︰夏里遜福、嘉莉菲沙、黛絲烈尼、約翰保也加、阿當載華、馬克漢米爾
上映︰2015年12月17日

必睇度︰*****(最高為五粒*)

2. 伴着你走《史諾比:花生漫畫大電影》

707_100a_205_4K_1437354620 PEANUTS_PUB_STILL_B02_f20_1437354621


首次跳上大銀幕,今次史諾比會聯同首度現身的女伴菲菲,衝出幻想化身成皇牌飛行員,遨遊天際追逐強敵!另一方面在學校裏,查理布朗對同班的紅髮女孩一見鍾情,史諾比作為佢身邊的永恆知己,當然會義無反顧,陪伴佢攜手闖出初戀情關!

025_590_334_2K_1437354619poster_1395221977


點解睇︰

瘋魔全球的《花生漫畫》,在成萬上億的粉絲苦等多年後,終於首次拍成大電影,漫畫家查爾斯舒爾茨的作品筆下一眾角色如查理布朗、露西、奈勒斯、史洛德等都會一一登場。雖然用上3D製作,不過依然保留漫畫原有造型,觀眾睇的時候一定倍感親切。
上映︰2015年12月24日
必睇度︰*****

3. 超強人氣《電影版妖怪手錶:誕生的秘密喵!》

image003_1446557865 150853.69930304_1000X1000


某晚景太睡覺嘅時候,手上的妖怪手錶突然發出刺眼光芒,然後消失不見了!翌日超巨大貓型妖怪「巨大喵」出現,聲稱世界即將落入魔爪之中,並向景太救助。景太一行人找尋線索時遇上了神秘的「浮游喵」,佢哋跟隨「浮游喵」進行時光旅行,回到六十年前的世界進行大冒險。喺嗰度等待佢哋嘅強大敵人係邊個?佢哋又能否順利找回妖怪手錶?

G126-4549e4a566bcccp2207668904.jpg


點解睇︰

《妖怪手錶》絕對係現時日本最具人氣的動畫,短時間內由遊戲軟件發展成漫畫、動畫,瘋魔全國,受歡迎程度甚至超越《竉物小精靈》!今個聖誕首度上映大電影,眾多角色齊放笑彈,最適合一家大細一齊入場笑餐飽!
粵語配音:詹健兒、黃啟昌,、魏惠娥
上映︰2015年12月24日
必睇度︰****

4.永恆經典《小王子》

2014-12-11_105702640_734036bab57be92dca3ea8a252e8a3bf


故事講述一個住在都市叢林的9歲小女孩,為考入名校跟住媽媽搬到校網區,每日遵照媽媽為她制訂的「人生計畫」生活。直到一日,小女孩因窗外飛進的紙飛機認識了古怪鄰居︰一位白天修理飛機、晚上愛用望遠鏡眺望星空的老飛機師。

小女孩聽佢細說年輕時遇見小王子的動人故事,也漸漸隨著小王子的步伐遊歷了整個宇宙,埋藏在心底的童真也重新萌發了。為了成全老飛機師跟小王子重逢的願望,小女孩決定帶着布狐狸,開住殘破的飛機,踏上尋找小王子的冒險之旅…

0015-758x380movie_014894_147578


點解睇︰

今年是全球最暢銷的永恆經典作《小王子》面世72周年,由《功夫熊貓》導演執導,首次搬上大銀幕,在法國上映五日票房已破億!經典故事配合迪士尼同彼思最頂尖的製作團隊,帶給觀眾全新體會,相信大人定小朋友都一樣會深受感動。值得一提嘅係,如果睇英文版嘅朋友,更可以聽到多位荷里活紅星大開金口!

英語配音︰謝夫布烈怡、麗素麥雅當絲、保羅活特、瑪莉安歌迪娜、占士法蘭高、班尼斯奧狄多路
粵語配音:王菀之、張敬軒
上映︰2015年12月24日
必睇度︰*****

5. 鑽石卡士《歡姐當自強》

JOY03_1444027565 JOY01_1444027564


故事由真人真事改編,阿歡的少女時代一直在無知單純之中,經歷多番人生洗禮,佢憑著膽色勇氣和對成長的獨特體會,白手興家創業成功,發明了「神奇地拖」,令佢由一個普通師奶化身電視購物女王,最終成為家傳戶曉的歡姐。不過喺愛情及親情路上,佢又能否同事業一樣如魚得水?

Img_31494_large_150828222035JOY04_1444047268


點解睇︰

奧斯卡影后珍妮花羅倫絲及畢列谷巴繼《失戀自作業》後再度合作,加上老戲骨羅拔迪尼路,嶄新組合定必擦出火花,單係睇三粒星嘅演出已經值回票價!電影口碑甚佳,早已被視為衝擊奧斯卡之作。其中珍妮花在片中有大量精彩演出,更有一幕自斷長髮,不容錯過!
主演︰珍妮花羅倫絲、羅拔迪尼路、畢列谷巴
上映︰2015年12月31日
必睇度︰****

6.隻抽泰臣 《葉問3》

Ipman3_E59CB0E4B88BE68BB3E9A4A8240_May102015_1448260355 Ipman3_E59CB0E4B88BE68BB3E9A4A8208_May102015_1448260332


1950年代末嘅香港,葉問(甄子丹)遭洋人派來拳王費蘭奇(泰臣)襲擊,打擾佢陪伴家人更危及到老婆安全,迫使葉問不得不出手拳打費蘭奇,中西拳術對戰後,葉問贏得費蘭奇尊重。

可是一波未平一波又起,張天志(張晉)以詠春正宗之名生事上位,更向葉問發起公開挑戰。最後,葉問在妻子(熊黛林)鼓勵同安排下,為了自己及家人,同張天志進行了一場同門比武!

IMG_4891JPG_1448260323 Ipman3_E99BBBE6A2AFE5A4A7E5A082142_Apr_03_2015E68BB7E8B29D_1446809799


點解睇:

重金請來前世界重量級拳王泰臣助陣,片中正面挑戰甄子丹,上演西洋拳與詠春之間較量。到近殺青時,子丹上演一打40群戰戲,拳拳到肉睇到人好肉緊!

主演:甄子丹、熊黛林、張晉、泰臣
上映: 2015年12月31日

必睇度:****

 

7. 兩影后鬥戲 《謎情追兇》

S_116_SITE_07228R_1448260433 S_036_SITE_01361R_1448260430


FBI探員婕絲(茱莉亞羅拔絲 飾)及阿維(楚伊特艾治奥福 飾)奉命調查一宗與911恐怖份子有關的姦殺案,沒料死者竟係婕絲心愛女兒。檢察官嘉莉(妮歌潔曼)因證據不足而撤消起訴,疑兇得以逍遙法外,從此人間蒸發!13年轉眼過去, 婕絲已決心退隱,阿維卻仍然堅信自己能破解疑團,為死者同家屬討回公道。就在萬念俱灰之際,一個關鍵秘密竟曝露於眼前,讓眾生瞥見人性靈魂中,最陰暗滅絕一面!

S_070_SITE_03792JPG_1448260431 S_260_SITE_03641RJPG_1448260435


點解睇:

影片重拍2009年阿根廷賣座懸疑片《謎情追兇》,該片於2010年勇奪過「奧斯卡最佳外語片」。而新版陣容鼎盛,由奧斯卡兩大影后妮歌潔曼(Nicole Kidman)同茱莉亞羅拔絲(Julia Roberts)首度合作,仲有《被奪走的12年》(12 Years a Slave)男星楚伊特艾治奧福(Chiwetel Ejiofor),三位好戲之人攜手合作先係焦點!

主演:楚伊特艾治奥福、妮歌潔曼、茱莉亞羅拔絲
上映日期:2015年12月31日

必睇度:***

 

8.真誠對白 《紀念日》


Clip Clip_2


阿寶(鄧麗欣)同強(方力申)結婚10周年,10年之間兩人經歷唔少感情風浪。強到內地發展又回到香港工作,寶留港經營婚禮顧問公司。深信愛情係天長地久嘅寶,多年來見證愛情開花結果嘅甜蜜故事,但私底下佢同強嘅感情早已由甜蜜變得淡如無味,強一心要生兒育女,但寶愛理不理,兩人再次陷入感情低谷,當年及現在嘅感情背叛又浮上面來!

TUNGSTAR5581980

anniversary_Teaser_1444887405


點解睇:

Stephy同方力申再演情侶,二人拍攝時不斷將真實生活經歷轉化成對白,Stephy更藉吵架戲發洩:「借啲意囉!佢有句對白我好深刻,聽完好難受,佢話『我愛你先至呃你,如果唔係都捱唔到十年啦!你估你真係咁易頂?』」而小方自認鬧完大叫好爽,淨係睇佢哋鬧交都過癮啦!

主演:鄧麗欣、方力申、李麗珍、邵仲衡
上映日期:2015年12月24日
必睇度:**

 

9.人夫咀夫妻《追婚日記》

Clip Clip_2


33歲杜拉拉(林依晨)剛升職,同男友(周渝民)感情穩定,看似人生更上層樓,職場上卻面臨上司(鄔君梅)嘅無情欺壓,仲有下屬(After School團員Nana)步步進逼;突然感情出現問題,不但交往五年嘅男友遲遲不求婚,此時仲有多情高富帥(陳柏霖)加入展開猛烈追求!

Clip_3 Clip_4


點解睇:

剛新婚嘅周渝民(仔仔)同人妻林依晨演情侶,最好笑原來首天拍床戲,雖然期間啜攬得好自然,但仔仔落床時竟然冇衫着,因為工作人員唔記得準備,成了呢場床戲拍攝嘅意外插曲!而二人原來早於2001 年,已合作拍MV〈Make A Wish〉,當時只係拖手而已,事隔14年第二次合作,睇吓會帶來咩火花!

主演:周渝民、林依晨、陳柏霖、林珍娜、李佳航、鄔君梅
上映日期:2015年12月10日
必睇度:***

 

10.同志平權 《愛是最大權利》

FH_008_1447043994 FH_003_1447043993


立功無數嘅女警探蘿莉(茱莉安摩亞),一直因小鎮保守風氣而冇公開性取向,直至遇上年輕率直嘅史黛斯(愛倫比芝),兩人展開同居生活,並註冊成合法伴侶。但不久蘿莉患上末期肺癌,誓要確保離世前能將房產同公積金遺留俾摯愛!可惜經多次申請,仍被官員拒絶,諷刺的是,蘿莉一生緊守崗位努力伸張正義,卻於生命最後階段被剝奪最大權利,佢決定用最後時光,為自己同愛人爭取應有權益!

FH_011_1447043994

FH_010_1447044347


點解睇:

真人真事改編,於美國上映時引起極大迴響!除睇影后茱莉安摩亞同愛倫比芝親密鏡頭,片中gay味勁濃嘅史提夫加維(Steve Carell)同木獨老差骨米高沙倫(Michael Shannon)亦好搶鏡!

主演:茱莉安摩亞、愛倫比芝、史提夫加維、米高沙倫
上映日期:2015年12月10日
必睇度:***

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk