獨家!《九五至尊》57歲江華師奶上身靠麥潔文撲水養家 出道多年黑材料爆不停

娛聞

廣告

無線最近安排《九五至尊》深夜重播,十七年前的冠軍收視穿越經典神劇,又再成為民間熱話,又係時候提提你,一早淡出幕前轉行做保險的江華,當年其實係一代師奶殺手嚟㗎!

撰文、圖片:東方新地

江華靠太太擔起頭家

年前轉型保險業、閒時繼續接騷的江華,因為疫情關係,再沒有北上登台搵銀呢支歌仔唱,太太麥潔文擔負起養家重擔,一代師奶殺手就搖身一變做埋師奶,採購日用品、補倉買糧、仲有買廁紙清潔消毒物資連帶一家之煮重任,全部落喺江華身上!

轉行賣保險、去年又拒絕復出拍電影版《尋秦記》,不留戀幕前但就對鏡頭依然敏感,江華一見有人拍攝即時警惕起上來。
轉行賣保險、去年又拒絕復出拍電影版《尋秦記》,不留戀幕前但就對鏡頭依然敏感,江華一見有人拍攝即時警惕起上來。
一代師奶殺手,江華被指鍾意扮劉華如今已經57歲,雖然容顏外形都仲Keep到,不過買嘢研究包裝,已經要靠老花鏡至睇得清。
一代師奶殺手,江華被指鍾意扮劉華如今已經57歲,雖然容顏外形都仲Keep到,不過買嘢研究包裝,已經要靠老花鏡至睇得清。
在深夜時分重播的《九五至尊》裡是風度翩翩出口成文的李大蝦,來到現實世界,則是負責採購照料全家的住家男人。
在深夜時分重播的《九五至尊》裡是風度翩翩出口成文的李大蝦,來到現實世界,則是負責採購照料全家的住家男人。
原來唔止採購物品,江華亦一條龍下廚煮埋畀全家食
原來唔止採購物品,江華亦一條龍下廚煮埋畀全家食
日前麥潔文就出 Po話返完工回家有得食住家飯,仲點名讚揚老公味香芒牛扒掂!
日前麥潔文就出 Po話返完工回家有得食住家飯,仲點名讚揚老公味香芒牛扒掂!

江華入行35年,一向以比劉 (德 )華更似劉華見稱,亦都曾經遊走於兩大電視台之間,師奶緣爆燈係收視保證,轉行賣保險的江華工作自由度大,彈性上班時間,近年間中登台、陪太座出席活動,早前更在社區會堂開騷,至近月疫情爆發才暫停接騷,而太太麥潔文的唱歌學校亦因疫情關係一度停課或縮班教學,令收入大減,知情人士透露:「 Kitman間學校要交租,之前啲登台搵銀又停晒,但為咗保持曝光率,之前仲帶埋囡囡天天上《流行經典50年》,呢啲時勢去邊都有危險,但為咗搵錢都冇計,唔通坐喺屋企等運到咩?」故此比較悠間的江華便肩負起買餸煮飯代替老婆打理頭家之重任,日前又一支公超市超市混在師奶堆中,大舉採購家居用品。

非常時期買防疫用品,江華好醒目身穿容易消毒的光滑面料外套,防疫意識十分之高。
非常時期買防疫用品,江華好醒目身穿容易消毒的光滑面料外套,防疫意識十分之高。
做慣一家之煮買嘢都有一手,買生果都識買維他命 C在生果中稱冠的奇異果。
做慣一家之煮買嘢都有一手,買生果都識買維他命 C在生果中稱冠的奇異果。
57歲身形依然 Keep到,飽肚高纖的香蕉亦必然在江華購物名單之中。
57歲身形依然 Keep到,飽肚高纖的香蕉亦必然在江華購物名單之中。
一車都係大米、廁紙和抗疫清潔產品,可見買到熟路的江華已成為住家男
一車都係大米、廁紙和抗疫清潔產品,可見買到熟路的江華已成為住家男
江華第一眼發現鏡頭有點錯愕,隨後都係舉高手禮貌向鏡頭打聲招呼,保持台型先!
江華第一眼發現鏡頭有點錯愕,隨後都係舉高手禮貌向鏡頭打聲招呼,保持台型先!

超市熟客仔 買個餸都要型仔

邊個話男人打理唔嚟家頭細務?工多藝熟,好似江華咁一樣可以心思細密打點周到。入到超市先撲糧食廁紙等必需品,再行去清潔用品區補充手套、消毒用品和清潔用品,為太太、女兒仲有身為醫護一分子的兒子把守家居防疫一關。最後買生果,江華都識揀最低脂又高營嘅香蕉同水果中最高維他命 C的奇異果。當年全盛時期一直貪靚舉手投足都似劉華,亦時有黑材料爆出拍戲遲到早退為個「靚」字違導演意思,江華雖然淡出多年,出街買個餸行個超市都一樣有型有款全身襯過,不過研究消毒用品成分時要戴上老花眼鏡、雙手亦青筋滿布老態盡現,再貪靚始終不能抗衡歲月洗禮。

當年收視之冠《九五之尊》重播,男主角江華陳年黑歷史亦都再被翻炒再成熱話,繼被指遲到早退扮大牌恰新人又同女主角張可頤不和後,近日又有人爆料,話2000年套《碧血劍》連被關進天牢,江華都公然頂撞導演唔肯化醜妝,點都要做個最靚仔嘅在囚人士。
當年收視之冠《九五之尊》重播,男主角江華陳年黑歷史亦都再被翻炒再成熱話,繼被指遲到早退扮大牌恰新人又同女主角張可頤不和後,近日又有人爆料,話2000年套《碧血劍》連被關進天牢,江華都公然頂撞導演唔肯化醜妝,點都要做個最靚仔嘅在囚人士。
唔止恰導演,原來有大人物在場一樣唔畀面,03年將軍澳電視城開幕大典上,當晚有六叔、特首、高官等在場,下午時人人在吉時前到場等拜神儀式,江華遲大到仲施施然咁話:「唔係好遲,都趕得切呀﹗」
唔止恰導演,原來有大人物在場一樣唔畀面,03年將軍澳電視城開幕大典上,當晚有六叔、特首、高官等在場,下午時人人在吉時前到場等拜神儀式,江華遲大到仲施施然咁話:「唔係好遲,都趕得切呀﹗」
之後同陳豪、宣萱的笑劇表演環節上,佢同陳豪、歐陽震華要反串同扮醜,但江華唔肯反串,又唔肯扮醜兼遲入廠,要工作人員嗌咪催促。
之後同陳豪、宣萱的笑劇表演環節上,佢同陳豪、歐陽震華要反串同扮醜,但江華唔肯反串,又唔肯扮醜兼遲入廠,要工作人員嗌咪催促。