其他文章：

怕郭晶晶整傷腰 霍啟剛獨撐搬2千磅麵粉

為宣傳可以去到幾盡？ 袁偉豪慘變Pokemon袁偉蠔

負傷出戰

牙佬堅持代表城寨福利會上擂台參加比賽，其叔(何啟南)出手阻止並將牙佬打傷，而牙佬亦唔顧被逐出段家，誓要參加比賽！到達會場後，拳佬叫牙佬先着件城寨福利會制服，但牙佬唔肯，其實怕被眾人得知自己受傷。期間牙佬表示有點累，刁蘭主動為對方邊鬆骨邊開始抽水揩油！期間，刁蘭唔覺意按到牙佬傷口，大家先發覺牙佬受傷，擔心不已！

做山寨木蘭妹

刁蘭去廁所時，得知木蘭花姐妹原來為避滅絕師太追捕，先戴上面罩掩飾身份！刁蘭偷聽後，趁木蘭花妹(李君妍)如廁時，整暈對方並換上其服飾，代對方出戰，暗中幫牙佬！

使橫手幫牙佬

木蘭花姐(何佩珉)未有察覺妹原來係A貨，一開始便叫刁蘭使出絕招！刁蘭期間扮失手，故意拳打腳踢木蘭姐，木蘭姐見勢色唔對，表示要出絕招！題外話，其實演木蘭花姐妹嘅何佩珉及李君妍均參加過2011年《功夫新星》，而何更係當屆冠軍，所以二人堅打得！

計劃成功

刁蘭被木蘭姐騎在頭上，趁對方唔注意時先發制人，拉對方下來一腳踢向其頭部，木蘭姐就咁被踢出擂台，而刁蘭就繼續做戲做全套，指以後木蘭花只剩佢一個，冇人可以搶佢風頭！

刁蘭姣擒牙佬

其實，拳佬已認出刁蘭聲音，更讓佢同牙佬單打獨鬥，而刁蘭當然唔放過大好機會，先整個人攬實牙佬，興奮到O嘴！之後又用背脊不斷磨牙佬心口，流晒口水！磨完前面都未夠皮，仲使出擒拿手揸牙佬胸，刁蘭睇落好爽喎！牙佬嘗試掙脫，可惜唔成功，更被刁蘭擒實下體，唔係，係下身先啱！

老樹盤根

刁蘭食指大動，再出一招老樹盤根，雙腿夾實牙佬下身，令佢動彈不動，更嘟起個嘴想啜落去！不過，牙佬唔想清白之身就咁被破，於是不斷掙扎，令刁蘭未能得逞！拳佬為幫刁蘭，成個人撞落刁蘭背部，令二人飛落台！

咀足五秒

飛落台下，刁蘭終達成心願，同牙佬咀足五秒，仲啜到牙佬眼鏡都歪埋！刁蘭大感滿足，露出甜絲絲笑容，而牙佬戴上眼鏡後，認出原來係刁蘭大感愕然，而刁蘭亦好怕羞咁離開，大會亦宣布拳佬、牙佬獲勝！

終極對決

拳佬、牙佬入到決賽，要同成虎(伍允龍)、鐵扇(陳志健)及姿三四郎組合進行對決！開波前鐵扇用手指輕觸成虎頸部，成虎冇為意繼續比賽！期間，成虎用力出招時，頸部突然噴血，大量血液不斷飛濺出來，埸面驚嚇！

春美收賣鐵扇

虎頸部血流如注，拳佬及牙佬都大感驚訝，而虎媽波鳳(元秋)亦擔心到成個人彈起！成虎想繼續比賽，用左手掩住傷口，突然見到春美(吳家樂)坐於台下，才明白春美為已離世嘅弟夏滿(李嘉)報仇，暗中收賣鐵扇！

全文完