《城寨》衰老竇魏惠文:茄哩啡都係演員

《城寨》衰老竇魏惠文:茄哩啡都係演員

最新娛聞

廣告

熱播劇《城寨英雄》中,好多配角令人眼前一亮,除了演身世孤苦鑫鑫嘅林穎彤及賤惡霸夏滿嘅李嘉之外,鑫鑫個衰老竇都睇到人咬牙切齒,而佢名字叫魏惠文!魏惠文笑言廿年來都撈茄哩啡,不但冇諗過退出,反而認為茄哩啡都係演員,只要堅持先可以捱出頭!

其他文章:

《城寨英雄》水戰抄《一代宗師》?

劇透!《城寨英雄》鑫鑫悲慘告別

茄哩啡都係演員

52歲魏惠文入行廿年,原來佢係90年演藝學院畢業生,同屆有李婉華、劉玉翠、陳錦鴻等。畢業後,曾去馬來西亞做配音員,到96年先加入TVB,多年來大多演衰人或老闆角色,不過通常發揮唔多,更談不上係三、四線,雖然只係大茄, 但佢唔介意:「記得有次搭巴士坐上層,有個妹妹落車,突然講:『阿媽,我見到電視嗰個死茄哩啡。』唙電視台都聽到唔少人叫自己做茄喱啡啦,但我唔理,喺好多人眼中我只茄嘢啡,覺得我小角色唔重要,但如果連茄哩啡都做唔好,你唔好叫自己做演員。我亦唔想侮辱自己間學校,我從來冇當過自己係茄哩啡,我當自己係演員!」

執三灘演衰老竇

眼見同期冇耐彈起,自己仍演路人甲乙丙冇人識,但佢依然樂天說:「當年我老師毛俊輝講過呢行好奇怪,多勞未必多得,有啲人一出來就萬千寵愛,好快做男女主角,有啲人一個機會要等20年,或者有啲人一世都冇機會,可能我係後者,其實我呢個《城寨英雄》衰老竇角色係執三灘,如果當日我做幾年見冇成績就走,今日都冇呢個機會。一定要好鍾意演戲,你先可以捱到!」

撈企堂維生

由於做茄哩啡收入有限,為幫補生計,魏惠文曾於石硤尾南山邨茶餐廳當樓面,但佢仍不放棄:「讀書時聽過好多荷里活巨星未紅前,都會去咖啡店做part time,嗰時覺得好過癮,估唔到自己都有機會,哈哈,做樓面時,《怒火街頭》播緊,我係做衰老公,當時有食客認得我,仲讚我做得好。」

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!