好心酸！6對合久就分情侶
方力申同鄧麗欣(Stephy)日前宣布十年情已逝，消息震驚整個娛樂圈！Stephy其後於網上發聲明表示，雙方因了解而分開，最心酸嗰句「我們世界裏從來不存在童話」，令唔少fans高呼無法接受現實，慨嘆情侶合久必分係正常事！而小方亦開記招落淚談分手，真係見者傷心呀！其實除了小方同Stephy之外，圈中亦有6對合久就分嘅情侶，一樣令人好惋惜！
胡杏兒同黃宗澤( Bosco)拍拖8年，期間男方一次又一次出軌，女方給完一次機會又給一次機會，但Bosco冇好好珍惜，反而變本加厲，分手導火線有傳係Bosco返內地拍劇搭上31歲湖南乳牛柳岩，結果杏兒徹底心死，主動提出分手，8年情就咁玩完，當時好多fans都感到好失落！
二人分手後，感情都各有新天地！杏兒去年同李乘德(Phil)拉埋天窗，成功搵到好歸宿！至於Bosco近日搭上日模Jun，更有指Bosco同Jun已同居，希望Bosco從此生生性性，成家立室啦！
2.鄭裕玲與呂方
2008年嘟姐與呂方宣布分手，對外表示不牽涉金錢及第三者，但當時有傳呂方因幫嘟姐投資蝕大錢，令雙方關係破裂！其實兩人拍拖16年來，無論性格或生活方式都非常唔夾！「嘟姐唔使工作嘅時候都會早睡早起，佢唔鍾意飲酒，每朝早都早起做運動。但係呂方好鍾意飲酒，成日飲大返屋企語無倫次，嘟姐梗係唔鍾意啦！所以佢同呂方約法三章，除非喜慶日子先可以出去飲酒，而且無論飲到幾點，呂方都要早起陪佢做運動，咁呂方咪覺得自己好似坐監囉！佢仲成日同班friend夾定口供，每次出去玩都話有人生日。」
同嘟姐拍拖要早睡早起，出去玩又要女友御准，令呂方深感拍拖無自由！因此，呂方寸嘟姐霸道：「我都坐咗16年監啦，依家重獲自由，就好似一隻冇腳雀仔咁周圍飛，仲唔周圍瞄咩？我覺得四十幾歲嘅單身男人好吃香！我咁耐都未試過咁開心，可能你覺得我囂，我認o架！我從未試過咁高傲，未試過飛得咁行。」不過，分手後就數人不是，有欠風度囉！
3.鄭伊健與梁詠琪
鄭伊健與梁詠琪(GiGi)於1999年合作許冠傑監製舞台劇《仲夏夜狂想曲》時每晚當眾親吻，被指一吻定情，當時伊健身邊已有拍拖7年的女友邵美琪，但同年10月GiGi被全港傳媒拍得為伊健慶生後步離其大埔仔寓所照片，二人始正式坦承共墮愛河，「奪麵雙琪」事件即成熱話！
不過，GiGi從邵美琪手上成功「奪麵」後，至2006年7年情便告終！當年有傳GiGi難忍男友事業不濟而鬧分手，覺得伊健不夠上進，加上GiGi當年工作繁忙又經常出埠，與男友聚少離多，令伊健頗有微言，埋怨女友冇時間相陪，而且二人生活上頗不合拍，經常為小事爭吵，最終雙方放棄呢段明顯出現裂痕嘅感情。
二人分手後，都相繼組織家庭！伊健與蒙嘉慧於2013年頭喺東京低調註冊結婚；而GiGi同西班牙藉老公Sergio結婚後，去年誕下混血女兒Sofia，剛滿1歲嘅Sofia長得精靈可愛，極之討人歡心！
4.熊黛林和郭富城
2013年，郭富城同拍拖7年嘅熊黛林(Lynn)分手，有指兩人之間出現小三苟芸慧。不過，城城否認有第三者：「喜歡對方並不一定白頭到老。」言語間又暗示分手與雙方性格不合有關。據城城身邊人透露，熊黛林的確不能融入城城社交圈，即使城城經常帶阿Lynn出席友人飯局，但每次都表現勉強，城城友人已勸喻不要攜熊出席！
鍾嘉欣同伍允龍一直秘戀8年，雖然曾經歷幾許風雨，但最鉖嘉欣為自己前途着想，加上男友事業沒有起色，最終去年2月初提出分手。有傳伍允龍曾經努力箍煲，可惜失敗告終。其實嘉欣自07年拍電影《十分愛》跟伍允龍相戀後，電視台及唱片公司高層都嫌棄伍允龍知名度低，怕男方會拖累嘉欣影響人氣，所有8年來的壓力全由嘉欣獨自承受！因此分手消息一出，嘉欣BB啲fans都感到好擔心！
至於馮德倫就戀上舒淇，二人常在微博上載舒淇愛貓May May Boy傳情，最搞笑係老馮曾跟愛貓May May Boy一起進食。
全文完
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
方力申與女友Maple Yip感情發展迅速？
方力申日前在出席活動時，公開回應自己與邪教性侵受害者Maple Yip的緋聞，不但大方承認戀情，更提及雙方家長⋯⋯詳情請看
方力申女友Maple Yip為何加入了邪教？
Maple Yip曾經在2022年3月現身南韓一個反邪教組織舉行記招，當中她提到於2011年時自己還是高中生，因感覺生活空虛，在銅鑼灣被攝理教教徒⋯⋯詳情請看
