關智斌Kenny

爆肌拍網絡電影 關智斌 擺脫小鮮肉形象

最新娛聞

廣告

關智斌 (Kenny)參演網路電影《血戰銅鑼灣3》,同時推出新國語歌〈習慣說謊〉,一向靚仔嘅 關智斌 喺新歌〈習慣說謊〉MV嘅造型,旋即成為話題。做黑社會大佬嘅Kenny谷肌上陣,演得入型入格,為保護女友而打鬥嘅場面勁有男人味,一改白淨小鮮肉的形象。

Text – Arika Photo – 新傳媒資料庫、〈習慣說謊〉MV、〈愛神之箭〉MV

關智斌 擺脫小鮮肉形象

關智斌(Kenny)近年轉往內地發展,劇集接完一部又一部,人氣爆燈!由Kenny主演的網路電影《血戰銅鑼灣3》將推出,好耐無出歌嘅佢,仲唱埋電影主題曲。在〈習慣說謊〉MV入面雖然無裸露上半身肌肉,不過着住緊身白色背心嘅Kenny,肌肉線條若隱若現,加上皮膚黑實、留平頭同留鬚,顯得佢更man。

 

呢個MV可以話係《血戰銅鑼灣3》的預告片,將飾演古惑仔的Kenny不羈型味預先等觀眾流下口水。Kenny就話,自己原本只係為健康做下運動,操到一身Fit肌,無諗過係今次新戲、新歌大派用場。

MV講述古惑仔Kenny對女主角一見鍾情,礙於自己身分,一直唔敢展開追求。有次Kenny被控告傷人,女主角本身可以出庭作證,不過因父親反對而無出現,最後Kenny要坐監。女主角一直等Kenny出獄,多謝佢,點知最後Kenny為兄弟出頭,被打到死,二人始終未能有情人終成眷屬。Kenny話好鐘意〈習慣說謊〉MV、好鐘意相愛的人要陰陽相隔的情節,仲提醒Fans要拎定紙巾。

相比04年與梁洛施Isabella 合唱的〈愛神之箭〉MV入面嘅佢,Kenny認真「仔大十八變」,當年瘦削、青澀怕醜的少男依然靚仔,宜家再升級做爆肌型男,看來在內地吸金力會加倍!但幾時先番香港,同香港Fans見面啊?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!