翠如BB女僕裝激戰黃浩然 洪永城喪咀傅嘉莉

女僕裝誘惑黃浩然

今集講述翠如炒孖展爆煲，要即刻攞一百萬去補倉，但臨急臨忙唔知點籌咁多錢，最後唯有向有錢仔黃浩然借錢。黃浩然見對方有求於自己，就要求翠如到遊艇陪佢一晚先肯借錢。

目睹老婆跟男人上船的洪永城當然怒火中燒，仲幻想黃浩然在艇上準備了各款裝備，誓與翠如大戰一番，翠如更穿上緊身女僕裝，服侍SM鐵鏈裝的黃浩然！

翠如BB獻出螢幕第一次，激罕穿上女僕裝，男觀眾大享眼福！

不過其實全部都係洪永城自己FF啫，翠如BB係冇對佢唔住㗎！

洪永城醉酒激吻傅嘉莉

其後劇情講到天文台懸掛八號風球，洪永城去到傅嘉莉工作室處理積水，但因為水浸而不能離開，唯有同傅嘉莉飲酒等待風雨停下。期間傅嘉莉主動向Tony獻吻，酒意濃濃的兩人繼而發生關係。劇集嚟到結局篇，翠如同洪永城各有追求者，兩夫妻愈走愈遠，如今洪永城更酒醉後出軌，究竟叻叻豬同洋蔥最後會點？

全文完