《城寨英雄》播到中段，飾演花曼嘅王君馨(Grace)越來越重戲份，繼殺死福壽金，又會逐一對付城寨其他惡霸，下一步將會係春美！另外花曼同牙佬亦有感情線，當然仲會同拳佬相認！唔少網友睇完王君馨嘅演出，都大讚佢勁有女神feel，其實Grace 07年參選港姐後試過唔少性感演出！
延伸閱讀︰
Grace為演好花曼一角，開拍前苦練八極，又喪操fit減到得番20.5吋腰，非常專業！
《城寨》之前，Grace冇乜代表作，但3年前同單立文、李思捷套《熟男有惑》入面，就有唔少性感三點式場面。
除咗《熟男有惑》，Grace晌《洪武三十二》、《法網狙擊》等都要犧牲色相，露背不特止，仲要當街露黑底添！
擁有一對長腿嘅Grace，平時出活動都唔會錫身，一係晒腿，一係谷盡事業線！09年同吳卓羲表演拉丁舞，一招「腿張開」震驚全場！
07年選港姐時，Grace與張嘉兒、周美欣同屆，當時Grace勇奪亞軍、最上鏡小姐及友誼小姐三個獎項！
睇番Grace童年相，其實靚樣自少已經出晒嚟，但有網友曾經笑過佢07年選「全美華埠小姐」時似賓妹！當時係就係皮膚黑啲、個妝又太濃，但點都唔係似賓賓下嘛？
