阿Sa出馬都唔拍 余文樂霸氣回應：公司篩過先同我講！
廣告
早前有傳余文樂因為嫌片酬低，即使老友蔡卓妍親自打電話邀請，唔肯接拍由邱禮濤執導、阿Sa主演嘅新戲《原諒他77次》，搞到阿Sa冇晒癮，更專登搵樂仔死敵周柏豪頂上！推戲傳聞一出，樂仔日前出席活動時都有回應解話，不過言談間霸氣十足，講明唔志在錢，仲話唔會睇晒所有劇本，會等公司幫佢篩選先！級數咁高，難怪阿Sa都請唔郁啦！
延伸閱讀︰
吳幸美《東張》試酒片hit爆
34D高Ling出水盪奶派福利
余文樂日前回應點解唔接阿Sa新戲，提起被指嫌片酬少，即講明自己志不在錢，「我依家做嘢唔係計較錢，錢喺好多地方都搵得番，適唔適合自己做最緊要，就算你依家俾好多錢我，但要我做番十零歲，我都真係做唔到！」咁又係，樂仔依家買部林寶都幾百萬，點會恨錢呢？
其實阿Sa同樂仔識於微時，兩人早在入行時已認識，亦曾經一齊拍過《一碌蔗》、《妄想》等電影。
全文完
