黃心穎

【安心偷食】媾唔掂洗米華轉攻許志安 揭姣花黃心穎專搞人夫

最新娛聞

廣告

幾經離合的鄭秀文與許志安,13年許下愛的承諾結成夫婦,以為 從此「唯獨你是不可取替」?錯晒!日前驚爆安仔與出名姣到出汁的黃 心穎在的士車廂鬼混的短片,互摸激咀無限次,姣婆遇著脂粉客,令 人睇到扯火。 各自背住另一半Sammi與馬國明,安仔心穎近月打得火熱,據 知女方入行後處心積慮想埋太陽娛樂老闆洗米華(周焯華)身,點知未夠班,遂退而求其次向安仔埋手,百分百戰鬥格攻陷人夫,越級挑戰 Sammi。而最近拍新劇《降魔的2.0》拍到金睛火眼的馬明就被利用得 更徹底,再次癡心錯付。30歲的黃心穎一手摧毀兩段感情,成為宇 宙級姣花,而51歲的安仔則千年道行一朝喪,二人今次都插翼難飛。

 

撰文:東方新地 圖片:Instagram、新傳媒圖片

黃心穎 發姣失手轉目標

入行七年的黃心穎,姣功臭名遠播,不時傳出周圍黐博上位,早年在無綫劇《宮心計2深宮計》攞正牌與馬國明談情,愈戀愈升溫,不過拍拖三年又點?姣心穎根本志不在馬明,被指機心重做事有計謀,曾向太陽娛樂老闆洗米華大送秋波,不過對方唔 受,黃心穎即發動Plan B,搞唔到最高層,轉向同是太陽娛樂旗下歌手的許志安埋手。

埋唔到太陽娛樂老闆洗米華身,黃心穎轉移目標接近安仔,近月二人不時黐實現身朋友間聚會,關係早已非比尋常。

據知情者透露:「心穎同馬明拍拖三年都係騎牛搵馬,佢出名主動熱情,近年凡係太陽娛樂嘅大小活動,無論私人定公開,都見到心穎出現,因為埋唔到洗米華身,佢 就轉向其他高層同藝人埋手,次次活動都黐實安仔,之前安仔喺澳門開騷佢都有出 現,都係用番當年媾馬明嗰招,最初當人係偶像,不停用短訊狂攻,混熟咗之後仲 融入安仔朋友堆,就連健身教練都用同一個,得閒約出嚟食飯飲酒,不過估唔到佢 咁大膽,連人夫都搞,今次仲玩到過晒火。」

心動合唱

短片直擊淫行

黃心穎以往被指發姣都苦無證據,今次被疑似的士司機安裝在車廂內夜視錄影機斷正,淫行無所遁形。日前被公開的一條疑似的士車廂偷情短片中,男主角安仔以真面目示人,女主角黃心穎就戴住黑色口罩,不過上車不久已多次按捺不住要除口罩生擒 安仔。其實上車之時還有一名圈外男性朋友,不過安仔與黃心穎第一站就送男友人返回 大坑寓所,然後慾火即燒隨即在車廂上演真人騷,整條短片長約16分鐘,安仔與黃心穎幾乎全程十指緊扣,女方不時胸壓安仔奉上肉嘴,面對黃心穎連番攻勢,睇得出安仔難以招架,禮尚往來把手放在女方大髀內側游走。

二人明顯上車前曾飲酒,但雙方都有意識並非醉酒,而進擊的黃心穎除了身體力行,更多次出言挑逗,期間曾問安仔:「你驚呀?」大黃心穎21年生得佢出的安仔見慣風 浪食過夜粥當然唔驚,最後二人到黃心穎位於鯉魚門的寓所落車。

1月齊慶生
今年1月黃心穎生日,安仔與健身教練Leo及一眾兄弟齊為心穎慶生,當時心穎已表現 風騷。

黃心穎於4月3日曾在IG上載跟安仔、方力申、劉浩龍、梁漢文、丁子高等出席男友人生日飯局的照片,當晚她與安仔的打扮,跟在車廂親熱斷正時的衣服 一模一樣,有指就是當晚飯敍後出事。

粉絲博影相

健身室突擊小三

安仔與Sammi曾共度患難,今年是他們結婚第五年,近年婚姻生活愉 快,Sammi抗抑鬱成功終於開放自己,二人不時在社交網上載甜蜜私人生 活,安仔又跟住老婆去跑步,又一齊返教會成為基督徒。上月安仔家中有結 婚喜事,Sammi以長輩身份接受新人斟茶,她更寫長文剖析婚姻之道,提醒 自己婚姻得來不易,要珍惜及好好守護。可惜,不懂珍惜的是安仔。

甜蜜舉報

有指黃心穎接近安仔已有一段時間,枕邊人想孔雀開屏,Sammi又怎會不知,近年有了信仰,她求神去保守,同時亦不會坐以待斃,知情者透 露,「Sammi呢兩年再次活躍幕前,除咗個唱巡演,仲接多咗國內節目,成 日周圍飛,安仔相對比較清閒,老婆唔喺香港大把時間作反。安仔去開嗰 間健身室係太陽娛樂班星去開,心穎成功埋堆後就成日去,搵埋安仔個私 人健身教練Leo幫佢,Sammi亦早已聞到陣狐味,所以周不時會上去突 擊,目的都係想畀下馬威心穎睇,宣示主權,希望對方知難而退,不過心 穎好勝,點都唔肯收手,終於被斷正搞到咁大鑊。」安仔出軌,Sammi最痛最傷,至於黃心穎男友馬國明,亦是時候清醒。

 

 

上月,Sammi出席夫家親友的結婚儀式,與安仔 一齊排排坐被斟茶,作為長輩兼結婚過來人, Sammi在社交網發長文,大講婚姻及夫妻相處之 道,她認為婚姻是要彼此努力,是一場終身學 習,要一步一步去經歷才能體現一步一生的幸福。

黃心穎與馬明拍拖三年已賺凸,除了洗底成功、知名度急升外,亦孖住接job搵錢高調到爆,早前黃心穎更揚言有機會爬大家姐黃心美頭先結 婚,不過今次斷正姣搞人夫安仔,形象一鋪清袋,相信全宇宙都贊成馬明長痛不如短痛,黃心穎在的士車廂「安心偷食」,正趕拍《降魔的2.0》的馬 明仍要演的士司機,應景成咁,真係男人最痛算這種!

Sammi未停過

近年Sammi再次全情投入演藝事業,除了頻頻返內地拍攝節目,更忙於為新 片《八個女人一台戲》做宣傳,Sammi唔得閒,造就安仔與黃心穎過從甚密。

馬明忙拍劇

馬母暗喜

一直被指不喜歡黃心穎的馬母,周 二(16日)在太古城寓所附近被記者 圍訪,她面帶笑容表示不知情,自 今年2月過年後再冇見過黃心穎,對 其感覺只係好普通,睇得出伯母心 中暗喜,阿仔終於甩難。

馬明與安仔都是明星足球隊成員, 練波比賽成日會見面,今次事件 後再見面肯定會很尷尬。

鄭秀文手持3.2億物業不需依靠許志安

許志安和鄭秀文出道多年,已是樂壇的老前輩,兩人的身家財產當然十分豐厚。最近「安心偷食事件」傳出後兩人的婚姻狀況受到關注之外,兩人的物業狀態也引起很多人的好奇。兩人手上各持有個人物業,但是更富有的Sammi,個人及全資公司名下擁有6個完全供滿的豪宅,市值高達3.2億元,相反許志安的物業總值只有…

原文:more-C Lam|圖片來源:Instagram、Facebook、網上圖片

鄭秀文物業

鄭秀文在1988年加入樂壇之後,短短2年間就以323萬元購入淺水灣南灣花園單位,現在市價已經達到了3000萬元。之後又相繼置入了幾棟物業,最高價值的一棟物業現在已經升到9000萬元,是在1999年樓市低潮時購入,看來Sammi的投資手腕還是非常精明的,就算最後。

 

 

許志安物業

相反許志安投資樓市方面就比較遜色,許志安比鄭秀文遲3年才接觸樓市,現在手上據聞只有2棟物業,於2011年以2428萬元購入西半山殷豪閣,現在市值6000萬元;另一個單位則是安仔以私人名義購入的淺水灣冠園,市值亦升至6000萬元,現在仍在供樓當中,不知這次的「偷食事件」會否影響他的收入,以致供樓方面有壓力。

據聞兩人直到現在也沒有聯名物業,不少人都非常關心他們在「偷食事件」後的婚姻狀態,不過看來兩人的財產都分得清清楚楚,互不相聯,就算將來離異也不會有錢財上的糾紛。Sammi靠自己的努力讓自己的生活充足,即使不依靠男人自己也可以過得很好。

【安心偷食】男人最痛…係馬國明!孝順顧家專一卻情路坎坷

其實好男人一向被指有價無市,但偏偏娛樂圈知名的好男人馬國明卻情路坎坷,今日女友黃心穎更被爆疑似偷食外,孝順顧家、緋聞甚少的馬國明為何總是受傷呢?

馬國明緋聞甚少

馬國明身處娛樂圈,而且走紅已有一段時間,自然受到不少女性歡迎,不過他卻能夠保持界線,緋聞甚少,傳得最盛的唐詩詠亦能保持兄妹好友的身份相處。

情路坎坷

以往馬國明亦曾與圈內其他女星拍拖或求愛不遂,如曾華倩、胡定欣和李施嬅等。

馬國明曾與年長9歲的曾華倩(左)拍拖,有傳因曾華倩兒子(右)反對,令戀情告終。

馬國明與胡定欣的一段情最廣為人知

馬國明:最愛繑著媽媽手臂行街

其實「男神」馬明用情專一又「好仔」﹐曾經講過自己係好顧家嘅人,一切以父母為大前提,搵女友首要條件都要與家人相處融洽,婚後亦希望和家人同住。而到現在他仍很喜歡繑著媽媽的手臂行街,馬明曾說過:「12、13歲時怕被笑不成熟而不敢繑,其實只有不成熟才會怕。」但原來馬國明年少時把屋企看成酒店看待,回家不是吃就是睡。直至移民加拿大,全家只得他一個男丁,責任感才慢慢培養而來。

曾為名牌衫鬧母親 後悔爆喊

馬國明說令他至今難忘的一件事,是馬媽媽不小心把他一件名貴T恤混在其他衣服一起洗,結果染了其他顏色,當時馬國明好惡地鬧媽媽,之後更不理睬她,後來馬國明見到媽媽跪在浴缸旁,用心地嘗試用手洗淨那件染了色的T恤,這畫面令他後悔中不禁落淚。畢竟衣服只值千多元,但媽媽卻不是用錢可以買到的!

為父母 豪擲$2000萬買複式單位

馬國明長大後樸實又慳家,出道頭幾年一直冇買車,也甚少搭的士,多數會由住處搭地鐵去將軍澳站,再轉乘廠車到電視城返工,早年才買入四驅車,直至早前馬明以八十萬買入Benz,換掉駕了多年的四驅車,馬國明說買車也只為全家放假郊遊。

馬國明與父母同住太古城多年,本身住所已是父母的物業,但前年他再花1,960萬買入頂層複式的過千呎單位,花過百萬裝修後最近已入伙。爸爸退休、媽媽係家庭主婦,馬國明指自己依家算有點事業,可以讓父母依頼,很有滿足感。為了賺錢供樓,馬國明馬不停蹄,頻頻工作。但放假時亦會陪母親逛街,認真孝順。

馬國明 婚後與家人同住

馬國明曾經講過一切以父母為大前提,搵女友都要與家人相處融洽:「我係一個好顧家嘅人,所以做我女朋友,首要條件唔係靚,係要同我家人相處得來。我爸爸同媽媽出名好相與,如果結婚唔可以同父母一齊生活,咁就係女仔有問題,有問題就唔會結婚啦!我本身又唔煙唔酒,所以我接受不到女友食煙及劈酒,因為我唔鍾意煙味酒味。」

不愛夜蒲閒時踢波做義工

97前移民潮,馬國明爸爸做「太空人」,媽媽陪兩女一子到溫哥華移民讀書,馬國明是家中惟一男丁,所以所有粗重工夫如剷雪剪草都由他包辦,因做工程師的馬爸爸很希望子女都大學畢業,結果馬國明揀在UBC機械工程系讀書,多年來看見爸爸努力工作辛苦供養三姊弟,去市區玩的車程加上住得遠所以馬明怕花費而甚少外出,偶爾會兼職幫補,這樣的生活直至畢業,亦因此養成不愛蒲的性格。而平日馬國明不用開工的娛樂,除了踢波和陪家人,就是去做義工。

網民改圖

馬國明可能再次受情傷,網民替馬國明感到傷感,亦有一部分網民改圖。

(網上圖片)
同場加映:
黃心穎曾洗腦式誘馬明棄母同住

馬國明與黃心穎的戀情由撲朔迷離發展到現在打風都打唔甩,其實都經過多次考驗,去年有指女方打入富二代圈子一心釣金龜,同時對馬明暧昧若即若離,更因爲二人多次在公開場合避忌唔合體又話好耐冇見而傳分訊,當時直腸直肚的馬明話:「除非結婚或分手,否則唔需要交代。」不過近半年關係突然變親密,一月去完荷蘭歐遊返港,馬明約心穎歎法國菜慶生,又出席黃家爲心穎搞的生日飯,二人感情進步神速。

妻母同住夢碎

有指近得物質主義的心穎多,慳足半世的馬明為冧女友願意放血式揈錢,轉換形象買衫褲鞋襪已花費一大筆,平時拍拖食飯行街買嘢都好奢侈,有傳馬母因而對心穎有意見。

據知情者透露,「心穎唔貴唔買,成日都帶馬明去睇名牌嘢,早前買咗對成20萬嘅法國名牌情侶鑽戒,馬明都肉痛㗎!不過心穎覺得最大嘅阻力就係未來奶奶,因為馬明一早就公開話要婚後同屋企人一齊住,心穎係醒目女,只係不停向馬明洗腦,話有時拍完劇放工返屋企都想寧靜地休息吓,兩公婆喺屋企有自己嘅天地,馬明都覺得心穎講得有道理,所以開始打消婚後同屋企人住呢個諗法。」

安排婆媳飯局

據知馬母對乖仔突然向外表示要儲錢買多層樓築愛巢雖然有少許失望,但她明白到兒子終有一日要成家立室,最緊要是找到合適的伴侶,見到馬明拍拖拍得開心,馬母亦開始接受心穎。

對於安排母親與心穎食飯見面,馬明曾在訪問中表示心穎形象健康,母親見過心穎後反應很好,又表示父母對他搵女朋友沒有特別要求,「女仔斯斯文文、簡簡單單,父母就ok,最重要係我鍾意,我父母對佢印象幾好。」

心穎出道七年多次被指機心重向上爬,但在馬明眼中卻是個簡單的女友,可見他已經中晒心穎毒。其實心穎唔止私底下以二人世界利誘馬明,早前更公開表示拍完《深宮計》令她有所領悟,要愛得及時,所以現實中更珍惜馬明,不抗拒閃婚。被追問何時拉埋天窗,馬明表示30歲的心穎仍年輕,仍想在圈中搏殺,未想咁快結婚生仔,但他說婚後一定會生小朋友。

返家等馬明

去年6月7日心穎出席《深宮計》活動,當日馬明因離港拍劇未有現身,心穎於活動後由公司保母車送返家,到傍晚時份,馬明突然駕車出現心穎寓所樓下,二人去九龍塘又一城拍拖,撐完枱腳直落行街睇戲,期間見二人同戴之前買的20萬法國名牌Boucheron訂情鑽戒,而心穎所穿的波鞋亦出自名牌Balenciaga,價值七千幾元。

撲返港陪女

只見心穎心心眼跳上馬明的Benz,二人向拍拖目的地又一城進發。其後馬明向本刊記者表示,當日下午才由內地返港,即揸車去接心穎出街。

勝利姿態出巡

有馬明護花行街拍拖,身穿工人褲的心穎以勝利者姿態出巡,邊行邊講春風滿臉的仲有事業愛情兩得意的馬明。

深情對望

馬明最近接受訪問為天然呆平反,他強調自己不是悶人,他會花心思,對女友很有情趣,所有節日都會上心。這日二人不時深情對望,睇嚟馬明真係識冧女喎!

拍拖愛做的事

食好西

馬明帶心穎到又一城內一間老牌西餐廳食晚飯,雖然冇訂位要等一陣,但心穎都冇怨言。

行街shopping

食飽飽行街睇精品,馬明同心穎一齊揀遮,有商有量好合拍。

20萬訂情鑽戒

最後心穎買咗少少精品同環保口罩,馬明識做地畀錢同拎戰利品。就係呢個時刻,二人被發現戴上情侶鑽戒,這對鑽戒出自法國品牌BOUCHERON的QUATRE系列,冇鑽石都閒閒地要7萬一隻,馬明同心穎兩隻都鑲滿鑽石閃爆,價值約20萬一對。

入場睇戲

心穎為拍拖日做好準備,一早在網上買定飛與馬明入場睇戲,自助出票後即孖住入場。

含春彈開

睇完戲在又一城停車場發現記者,本來並肩而行的二人突然彈開幾個身位,馬明一臉尷尬,仲將戴住情侶戒的手指公插入褲袋,而心穎就含春甜笑。

馬明對住心穎除了有情趣唔係天然呆之外,原來仲好有風度,識得幫心穎開車門。

各自返家

離開又一城後,馬明先送心穎返回藍田寓所,自己再經東隧返回太古城寓所,冇愛築落腳惟有各自歸家。

了解期完結

16年馬明與心穎被爆撻著,即使多次被斷正約會,二人依然矢口否認戀情,只表示在了解中,隨住去年拍《深宮計》,二人日見夜見又去橫店拍外景,感情大躍進。雖然期間曾有傳心穎有離心,但最後都是情歸馬明,戀情愈見明朗化。

生仔重任

心穎喜歡小朋友,對二家姐的三個仔女更是疼愛有加,而馬明亦表明婚後一定會生B,呢個重任心穎應該走唔甩。

馬國明:最愛繑著媽媽手臂行街

馬明用情專一又好仔﹐曾經講過自己係好顧家嘅人,一切以父母為大前提,搵女友首要條件都要與家人相處融洽,婚後亦希望和家人同住。而到現在他仍很喜歡繑著媽媽的手臂行街,馬明曾說過:「12、13歲時怕被笑不成熟而不敢繑,其實只有不成熟才會怕。」

曾為名牌衫鬧母親 後悔爆喊

馬明說令他至今難忘的一件事,是馬媽媽不小心把他一件名貴T恤混在其他衣服一起洗,結果染了其他顏色,當時馬國明好惡地鬧媽媽,之後更不理睬她,後來馬明見到媽媽跪在浴缸旁,用心地嘗試用手洗淨那件染了色的T恤,這畫面令他後悔中不禁落淚。畢竟衣服只值千多元,但媽媽卻不是用錢可以買到的!

為父母 豪擲$2000萬買複式單位

馬明長大後樸實又慳家,出道頭幾年一直冇買車,也甚少搭的士,多數會由住處搭地鐵去將軍澳站,再轉乘廠車到電視城返工,早年才買入四驅車,直至早前馬明以八十萬買入Benz,換掉駕了多年的四驅車,馬明說買車也只為全家放假郊遊。

馬明與父母同住太古城多年,本身住所已是父母的物業,但2016年他再花1,960萬買入頂層複式的過千呎單位,花過百萬裝修後最近已入伙。爸爸退休、媽媽係家庭主婦,馬明指自己依家算有點事業,可以讓父母依頼,很有滿足感。為了賺錢供樓,馬明馬不停蹄,頻頻工作。但放假時亦會陪母親逛街,認真孝順。

曾揚言婚後與家人同住

馬明曾經講過一切以父母為大前提,搵女友都要與家人相處融洽:「我係一個好顧家嘅人,所以做我女朋友,首要條件唔係靚,係要同我家人相處得來。我爸爸同媽媽出名好相與,如果結婚唔可以同父母一齊生活,咁就係女仔有問題,有問題就唔會結婚啦!我本身又唔煙唔酒,所以我接受不到女友食煙及劈酒,因為我唔鍾意煙味酒味。」

不愛夜蒲閒時踢波做義工

97前移民潮,馬明爸爸做「太空人」,媽媽陪兩女一子到溫哥華移民讀書,馬明是家中惟一男丁,所有粗重工夫如剷雪剪草都由他包辦,因做工程師的馬爸爸很希望子女都大學畢業,結果馬明揀在UBC機械工程系讀書,多年來看見爸爸努力工作辛苦供養三姊弟,馬明怕花費而甚少外出,偶爾會兼職幫補,這樣的生活直至畢業。而平日馬明不用開工的娛樂,除了踢波和陪家人,就是去做義工。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!