最新娛聞



《 踩過界 》王浩信演盲俠大律師

無綫新劇《 踩過界 》於6月24日起逢周六、日播放,講述盲俠大律師王浩信與師爺蔡思貝、私家偵探張振朗及法官李佳芯 (Ali) 組成四劍俠,利用「 踩過界 」的方式為巿民爭取公義。暖男王浩信扮夜魔俠夠新鮮,Ali BB回歸「邪花」本色演豪放法官,仲有特別演出的朱千雪BB與王浩信再續《EU》前緣,一星期兩集可能唔夠喉!





2017港姐首輪面試 邊個最有冠軍相?

「燕瘦環肥」呢個字眼,每年定時定候都會出現,冇錯啦,就係一年一度的 港姐 選舉又嚟啦!《2017香港小姐競選》今日進行首輪面試,估計參加者人數接近100位,香港果然多靚女!無謂說話唔多講啦,大家一於慢慢睇相,睇吓邊個最有冠軍相?


接檔《蘭花刼》《 賭城群英會 》周一首播

倉底劇《蘭花刼》收視慘淡,星期一起同一時間將由《 賭城群英會 》接棒!劇集由王晶監製,陣容超級強勁,先有久未拍劇的四哥謝賢、叻哥陳百祥及陳法蓉;馬國明、黃浩然、佘詩曼等一線藝人,以及何浩文、文凱玲、麥明詩等首次拍劇的新面孔。劇集演員陣容與拍攝手法均甚有電影感,經典老千題材再現,唔知啱唔啱觀眾口味呢?

父母各自飛 陳冠希B女長跟嫲嫲

一名外國stylist日前在IG上載了 陳冠希 (Edison) 抱女舉辦百日宴的照片,仲大爆B女英文名叫Alaia,終確認Edison與女友秦舒培三月已榮升父母。為免過去的負面新聞影響囡囡成長,Edison一直拒絕讓女兒曝光,點知今次會被豬一般的隊友出賣!Alaia只有三個多月大,但爸爸媽媽已經周圍飛,於是照顧B女的重任落在長居德國的嫲嫲Carol身上。據知Alaia將會被禁足香港,大有機會跟嫲嫲去德國生活。又要驚又要生,避得一時唔避得一世喎!


日本樂天市場免運費!入手日本潮鞋好時機

日本波鞋更一直是潮流指標。不過,買日本波鞋又不一定要等旅行嘅,今次日本樂天市場 ( Rakuten Global Market)為大家帶來好消息!13/6-22/6期間,在指定的200多間店鋪中,單一買滿8000 yen(約$580)及不超過3kg的貨品,EMS即免運費,而家仲有多間店鋪做緊優惠!Rakuten Global Market一向出名多日本特別版波鞋,不少款式更是香港罕見,小編特別精選了多款抵買波鞋,買一對即免運費,勁抵買! text – betsy  photo – Rakuten Global Market


板野友美新寫真 激似Angelababy

前AKB48主將 板野友美 畢業4年來支持度狂插水,為挽回人氣,日前佢就宣布將於8月24日推出全新水着寫真集,回歸性感路線,仲遠赴夏威夷取景,大晒靚股,不過睇真啲,出道以來個樣一變再變嘅佢,今輯相某啲角度真係激似Angelababy,唔知曉明睇完會唔會認錯人呢?!

生煎包開新店 Oscar晒愛的紋身 江若琳同未來奶奶勁老友

手揸七間食店、人稱「生煎皇」的前藝人(蕭潤邦) Oscar,早前正式公開與女友 江若琳  (Elaine)的戀情,網上放閃都未夠,Oscar更在左手紋上代表女友英文名Elaine的「E」字愛的紋身,閃死人!今日Oscar位於大埔的生煎包新店開張,Elaine當然以女主人身分在場招呼朋友,與未來奶奶齊齊切燒豬。之後兩人受訪時不時冧爆望實對方,又話將來有任何困難都會一齊面對,閃死人!


美國完成甜蜜婚禮 王君馨 :我係章太啦!

31歲的藝人 王君馨 與圈外男友Daniel昨日在美國紐約舉行婚禮,為人生大事忙足一日後,君馨在香港凌晨時間跟大家分享喜悅!相片中可見君馨着上中式傳統裙褂禮服,亦有換上雪白婚紗行禮,拍拖多年的戀人終拉埋天窗,在眾多嘉賓見證下深深一吻,真係好幸福!恭喜君馨同Daniel!





會展拉闊騷 側田感觸落淚 Gin Lee驚豔晒Deep V

歌手Gin Lee (李幸倪) 與 側田 在會展舉行拉闊音樂會,兩位靚聲之人合作,獲方力申、單立文與太太胡蓓蔚、組合C AllStar的釗峰及On仔等到場支持。今次拉闊騷除了連場好歌熱舞,Gin Lee又罕有地以大Deep V裝示人,大晒火辣身材!而近年少有在香港演出的 側田 就唱出〈命硬〉、〈KONG〉等令人懷念的金曲,佢唱唱吓仲一時感觸落淚!