除咗拍劇拍戲北上搵食,李璨琛(Sam)近年愈搞愈多瓣數,又開茶記又做 DJ 仲兼當埋影視監製,發奮搏命咁搵家用。不過論到知名度,爸爸再努力都唔及囡囡李元元(Lucy),近年已經被 Lucy 蓋過風頭! 2018年3月一出世,李太 Pae 就幫元元開咗個人 IG,日日 update 成長點滴。早期鐵漢柔情對住個女立即融化成為焦點,近年囡囡 Lucy 已獨當一面,憑住趣致面孔鬼馬個性愈嚟愈討人喜愛,粉絲愈儲愈多,爸爸 Sam 反而喺家中成為大茄!
撰文、圖片:東方新地
李璨琛為一家三口打造闊落型格安樂窩
其實96年被導演陳果喺街頭發掘,拍攝電影《 香港製造 》而入行,李璨琛一副不羈反叛香港仔形象深入民心,廿幾年來型慣低調慣㗎嘛,反而娶咗老婆做咗爸爸後,囡囡變咗網紅、家居都日日上鏡細節曝光,原來默默耕耘廿幾年,Sam 早就上車置業為一家三口打造咗個闊落又型格嘅安樂窩!