雙宋訪港 喬妹 仲基互讚傳情

《太陽的後裔》兩位主角宋慧喬同宋仲基訪港，二人雖傳出姊弟戀，但無懼緋聞，於台上表現親密，仲基經常搭實喬妹搏頭，又不時跟對方聊天傳情，而喬妹一直面露笑容，仲基亦不時微笑揮手，企定定俾傳媒影相。

期間雙宋互讚對方，仲基用普通話讚喬妹：「好漂亮，真的漂亮！」喬妹即望住仲基甜笑！仲基更指喬妹為人超nice，全冇架子，經常照顧劇組人員，而喬妹則讚仲基亦好識照顧人！