大方阿媽拎晒啲嘢送俾人 網民爆笑：遲下佢送埋你俾人

原文：娛聞樂｜圖片：Lihkg.com

大方阿媽拎晒啲嘢送俾人

樓主今次真係搞唔掂自己阿媽，決定大爆其「惡行」！事緣樓主阿媽超級大方，唔知點解好鍾意將樓主啲嘢送俾人，嘢食呀、衫呀嗰啲都算啦，最離譜係最近連樓主部Macbook都想送埋俾人！

呢個阿媽真係不得了，會專揀樓主出街、返工時突然通知佢話送咗乜乜乜俾人。大佬啊有冇聽過「不問自取，是為賊也」？

唔單止啊！阿媽連樓主去完旅行用剩啲錢都可以拎去送俾人！大佬啊唔好咁黐線啦……

樓主仲細個嗰時阿媽已經係咁：「細個生日時，幾個老豆嘅朋友都買玩具俾我做生日禮物，我老母就當住大家話：『你收咗咁多件玩具，送啲俾人啦』」，嬲到樓主到依家都記得件事。

唔少網民紛紛留言，好似感同身受咁，鬧爆呢個大方阿媽：「慷他人之慨先最仆街」、「你老母都幾大問題，Macbook都想送」。

有網民仲教路，叫樓主試下送晒阿媽啲手袋呀、新嘢俾人，睇下佢仲敢唔敢亂送嘢！

更多潮文：

地獄阿媽零衛生常識　網民：樓主未死算係奇蹟！

「一返屋企見到佢用把扇蓋住啲野食，唔知好嬲定好食？」

「把扇直接掂到啲野食，整污糟啲野食之餘，食物啲油又整污糟把扇！」

「成日直接疊住啲野食，又唔用保鮮紙，碟底掂完枱面又掂下面嘅食物！」

「最忟係呢樣，有時煮完飯會浸水（易洗啲），然後放返落電飯煲冚蓋，幾日唔洗，幾日後我打開電飯煲發現有陣酸臭味……」

「今日新招式！話說我話完佢，話屋企有曱甴，唔好再就咁放食物係枱面，要包保鮮紙…..我估佢懶，就直接將半個橙向下放……」

巴打，你唔係唯一，你有好多同路人……

佢腸胃都好強壯下，祝佢身體健康！

嘩！阿絲打你未來奶奶……隔住個mon都想嘔！

BB油／萬金油撈飯，好好味喎！

有咩慘得過屋企污糟到公廁咁……

海鮮嘅嘢真係唔好亂咁嚟喎！人命要緊！

阿媽開口埋口話「為你好咋！」實情係害死仔女！

樓主真係好命硬！