《使徒行者》劇情結局6大必睇位!劇透「宋先生」真身、續集竟然係《使徒行者3》

劇情

廣告

《使徒行者》結局劇情劇透注意!2014年首播嘅《使徒行者》喺當年認真巴閉,結局以「宋先生」犯罪集團掀起高潮,呢個潛伏政府高層的黑警組織,當時甚至比競猜「誰是臥底」更受議論,收視方面錄得單日大陸網絡播放量逾一億兼總播放量超二十四億嘅成績,亦都係第一套進入「二十億俱樂部」嘅港劇㖭!佘詩曼憑劇中扮演警方臥底「釘姐」一角,橫掃亞洲各大頒獎禮,成為「十一料視后」,片尾曲《越難越愛》亦唱到街知巷聞,呢套話題作依家喺深宵時段又再重播,為即將播放嘅《使徒行者3》鋪路,讓觀眾溫故知新。

撰文、圖片:東方新地

使徒行者3劇情結局
相關文章:《使徒行者3 》1-37集劇情、線上看大結局劇透!

相關文章:《使徒行者3 》1-37集劇情、線上看大結局劇透!

結局最後七集黑警集團收購東北地皮壞事做盡,釘姐三個阿媽被高海寧手下殺死!
結局最後七集黑警集團收購東北地皮壞事做盡,釘姐三個阿媽被高海寧手下殺死!

使徒行者》劇情劇透必睇位 1:阿佘爆seed演繹奪「 十一料視后 」

故事講述性格樂天嘅佘詩曼係警方臥底,任務要尋找五名下落不明嘅臥底,展開一場遊走黑白兩道嘅生存遊戲。阿佘為查案潛入桑拿店幫客人揼骨、按摩,一時又要扮護士同清潔阿姐。為咗喺目標人物蠱惑仔林峯身上套料,更放電色誘對方,笑料百出!而另一方面佢又以聰明才智去完成任務,見佢著上皮褸騎電單車盡顯型女一面。

「 釘姐 」與「 爆 seed 」不是冤家不聚頭,經歷種種生離死別,最後happy ending,有情人終成眷屬。
「 釘姐 」與「 爆 seed 」不是冤家不聚頭,於第19集二人「一吻定情」,經歷種種生離死別,最後happy ending,有情人終成眷屬。

劇情往後發展,可以留意「釘姐」以下幾集精彩演出 :

第19集劇情:有一場戲講述阿佘發現警方臥底「 Ada 」(陳倩揚 飾)嘅屍體後,安葬時佢嘅情緒起伏,爆晒seed,真係隔住個 mon 都覺得空虛寂寞覺得凍,「 十一料視后 」並唔係浪得虛名!

第22集劇情:為了臥底任務,假扮覃歡喜的親生女兒,連觀眾都呃埋!

第25集劇情:因爆Seed薛家強間接害死其養母和射殺覃歡喜,決絕和他分手

阿佘飾演「 釘姐 」一角演技大爆發,亦因此而橫掃亞洲各大頒獎禮,成為「 十一料視后 」,風頭一時無兩。
阿佘飾演「 釘姐 」一角演技大爆發,亦因此而橫掃亞洲各大頒獎禮,成為「 十一料視后 」,風頭一時無兩。

相關文章:《使徒行者3》情節緊接第一輯!馬國明林峯亦敵亦友、釘姐佘詩曼客串再現身!

《使徒行者》劇情劇透必睇位 2:結局緊湊Final Boss「宋先生」黑警犯罪集團

《使徒行者》劇情雖然以尋找失落臥底為主,但亦成功拓展了以競猜誰是「黑警」的故事類型,頭十五集以「洪英社」為主線,但發展到後期,真正的終極反派原來訧係警方甚至政府高層內部!當年大家都將焦點放喺臥底情節上,當刑事情報科嘅總警司劉江同警司鄧健泓嘅黑警身份曝光,可以話係劇集高潮位之一。另「卓Sir 」苗僑偉調轉槍頭向自己友開槍,以苦肉計扮變節劇情,過程緊張刺激。

使徒行者劉江
劉江飾演的郭學華(郭Sir)係三哥卓凱之上司兼師父,於第24集被卓凱揭發其黑警身份而被捕;於第25集與卓凱會面剖白之後,在拘留所內以刀片割脈自殺身亡!
使徒行者鄧健泓
鄧健泓飾演的葉兆良(Marco)於第16集被懷疑是黑警,於第19集殺害女警謝安儀,於第20集與連浩勤墜樓導致重傷,後被劉江指派的另一黑警殺害滅口!

第25集劇情:高海寧飾演的Amy指使爆Seed薛家強殺害覃歡喜,及指使下屬殺害釘姐的養母馮慧芳、劉美鶯、蔡笑蓮,同時被殺還有猜Fing!
第29集劇情:高海寧於第28集被莫羨昕和丁小嘉發現原來是變節的臥底,眾人以為佢就係「宋先生」,但在同一集竟然被鍾景輝買兇殺害!

劇情最後數集曝光的「宋先生」犯罪集團,首領原來係鍾景輝飾演的前保安局局長!由一開始就係佢兇殺害康道行令一班臥底成為無主孤魂,鍾景輝於第30集被卓凱槍傷後,被依例判處終身監禁!
劇情最後數集曝光的「宋先生」犯罪集團,首領原來係鍾景輝飾演的前保安局局長!由一開始就係佢兇殺害康道行令一班臥底成為無主孤魂,鍾景輝於第30集被卓凱槍傷後,被依例判處終身監禁!

《使徒行者》結局劇情必睇位 3:林峯為愛捨身試毒

阿佘嘅角色「 釘姐 」,猶如「 女版韋小寶 」,化解危機依靠三寸不爛之舌!而林峯罕有以反派形象登場,表面上係運送冰嘅工人,外號「爆seed 」,實質又係警方臥底,將內心嘅掙扎同矛盾演繹得淋漓盡致。「 爆 seed 」同「釘姐」起初未知對方底蘊,經常打情罵俏,呢對歡喜冤家喺鬥智鬥勇下,漸漸擦出愛火花,經典一幕係男方為保護女方,不惜以身試毒,點知劑量過強陷瀕死邊緣一幕,叫人難忘。

使徒行者 林峯
第10集,阿佘用強心針解救因吸毒命危的薛家強(林峯),劇情講林峯不惜以身試毒去保護阿佘,奄奄一息之際,阿佘做其人肉暖包。

《使徒行者》結局劇情必睇位 4:親母養母輪住死

點解阿佘係「 不祥人 」?親母離世,「 釘姐 」開設好腳頭沐足店,作為收風站。佢三位養母呂珊、韓馬利、蘇恩磁不幸被捲入呢場黑白兩道之戰,喺同一集先後被黑幫人物逐一槍殺慘死。呢套劇亦係 TVB 近年死得最多人嘅劇集,自刑事情報科「 康 Sir 」(歐瑞偉飾)被買兇殺害後,其情人「 Ada 」(陳倩揚 飾)亦遇害,之後到黑幫洪英社坐館歡喜哥(許紹雄 飾)嘅心腹連浩勤(沈震軒 飾),被診斷出腦部有惡性腫瘤,接受安樂死而離世。

呢套劇死得人多, 「釘姐」三位養母蘇恩磁、呂珊、韓馬利先後被殺。
呢套劇死得人多, 「釘姐」三位養母蘇恩磁、呂珊、韓馬利先後被殺。

《使徒行者》結局劇情必睇位 5:五臥底之後仲有黑警

五名警方臥底,逐一揭盅 ︰分別係「 釘姐 」、「 爆 seed 」,「 Ada 」、「 連浩勤 」,當年網上掀起競猜誰是最後一位臥底,爆出個冷門,竟然係「 Amy 」(高海寧 飾),但佢已變節投身犯罪集團。往後劇情,有廉政公署執行處調查主任Yan(陳敏之 飾)亦加入刑事情報科「卓Sir 」(苗僑偉 飾)嘅臥底兵團,成為第六個臥底。

警方臥底逐一揭盅,分別有 「連浩勤」 、 「釘姐」 、 「爆seed」和「Ada」。
警方臥底逐一揭盅,分別有 「連浩勤」 、 「釘姐」 、 「爆seed」和「Ada」。
三哥呢位良心警察,調轉槍頭向阿佘開槍,其實係苦肉計、假變節,目的係要揪出犯罪集團嘅幕後主腦。
三哥呢位良心警察,調轉槍頭向阿佘開槍,其實係苦肉計、假變節,目的係要揪出犯罪集團嘅幕後主腦。
使徒行者高海寧
高海寧呢個女魔頭,身份不但係「宋先生」犯罪集團成員,更加係一個變節嘅警方臥底,起碼有三個人為佢而枉死。

《使徒行者》結局劇情必睇位 6:沈震軒放催淚彈

許紹雄飾演嘅黑幫大佬覃歡喜出獄,招攬咗「爆seed 」、財技高手連浩勤(沈震軒 飾)作為左右手,圖謀東山再起。歡喜哥亦係刑事情報科出身,佢為咗報妻女之仇而選擇踏上黑道呢條不歸 路。至於沈震軒嘅角色,囂張成性,但對女朋友即廉政公署執行處調查主任Yan(陳敏之 飾)用情至深,患上惡性腦瘤後,為咗唔想令女友擔心傷心,決定不辭而別,最催淚係佢叫護士定時向Yan發放早已錄製好自己生活片段嘅影片,而最終Yan亦搵到佢嘅墳墓,喊死人咩!

沈震軒、陳敏之呢一對,郎才女貌,可惜悲劇收場。
沈震軒、陳敏之呢一對,郎才女貌,可惜悲劇收場。
警方臥底沈震軒並唔係跌死嘅,而係死於惡性腦瘤。
警方臥底沈震軒並唔係跌死嘅,而係死於惡性腦瘤。
使徒行者歡喜哥 許紹雄
刑事情報科出身嘅歡喜哥,為報妻女之仇而選擇踏上黑道呢條不歸路,角色在三輯《使徒行者》都非常重要!