pp

《宮心計2深宮計》花旦鬥露 | 周秀娜胡定欣肉搏馬浚偉

深宮之中女人間的鬥爭,向來拍極唔厭!無綫重頭劇《宮心計2深宮計》將於5月21日首播,力sell大堆頭製作自然要人夠多,胡定欣、馬浚偉、馬國明、蕭正楠、劉心悠、周秀娜、陳煒、羅霖、黃心穎、張慧儀、張文慈、謝雪心等等配搭新鮮,新加入的劉心悠及周秀娜更有香艷出浴場面鬥露肉,而周秀娜仲同胡定欣爭寵,為討好飾演皇上的馬浚偉而各出奇謀,二人同馬浚偉仲有多幕床上戲㖭 !

撰文 :東方新地 | 圖片提供 : TVB

《宮心計2深宮計》故事大綱

 

唐隆年間,李隆基(馬浚偉飾)聯同姑姑太平公主(陳煒飾)發動政變,將蠶食法統的韋氏(米雪飾)就地正法,擁護相王李旦(李龍基飾)重回大統!看似重歸平靜的太極深宮,實則暗流湧動……朝堂之上,風雲色變,李隆基與太平公主陣營分化,勢成水火!深宮之中,以主理尚宮局的王蓁(胡定欣飾)為首與眾妃嬪角力,爾虞我詐!有人因高權重位捨棄良心,亦有人為至親至愛放棄一切!龍武軍任三恕(馬國明飾)與伺機復仇的何離(蕭正楠飾)、女史元玥(劉心悠飾)與甘若芊(黃心穎飾),四人真情本性,為深宮綴上一筆浪漫……深宮禁苑,懸案叢生!抽絲剝繭後,揭露出一個個塵封多年的驚天秘密;高牆掩映下,上演著一幕幕蕩氣迴腸的愛恨情仇……

宮心計2深宮計
無綫重頭劇《深宮計》力sell大堆頭製作,自然要夠多人先夠氣勢。

香艷場面

後宮妃嬪個個爭姸鬥麗,唔止周秀娜、胡定欣鬥露,連劉心悠、黃心穎等都有露兩手。

宮心計2深宮計
周秀娜在劇中有不少性感場面包括露香肩、玉背,讓人十分期待。
宮心計2深宮計
娜姐出浴喎,梗要𥄫實啦!
宮心計2深宮計
娜姐仲會色誘皇帝馬浚偉。
宮心計2深宮計
胡定欣不擇手段誓要成為皇上馬浚偉最愛的妃子。
宮心計2深宮計
胡定欣肉搏馬浚偉鴛鴦戲水。
宮心計2深宮計
深宮之中,以胡定欣飾演的王蓁為首與眾妃嬪角力,爾虞我詐!
宮心計2深宮計
劉心悠與黃心穎飾演相對少機心的女史,出浴場面夠晒睇頭。

馬國明黃心穎奉旨咀嘴

馬國明同黃心穎呢pair直頭寓工作於拍拖,仲要被安排演情侶,又攬又錫場面自然唔少得,拍起上嚟真情流露份外投入!

宮心計2深宮計
馬國明同黃心穎攞正牌又攬又錫,拍拖場口佢哋應該最enjoy!

宮心計2深宮計

馬浚偉笑劉心悠講粗口

馬浚偉話雖然劇中冇動作戲,但要演玩心計的戲份,搞到個腦好攰!但今次演皇帝過足戲癮,最享受跟大班女演員同場,個個衣着性感又養眼。馬仔笑言:「娜姐(周秀娜)好多蝦碌,講古裝對白好好笑,眨眼又比平常人慢,劉心悠又講咗廣東話歪音,變咗粗口音,但佢自己唔知!」

宮心計2深宮計
劇中劉心悠將與蕭正楠飾演一對。

麥玲玲古裝look首曝光

首次拍古裝劇的麥玲玲在《深宮計》中飾演金夫人一角,其古裝扮相都幾嬌俏㗎 !

宮心計2深宮計
麥玲玲奉獻出佢嘅第一次,首度以古裝亮相。