CHAN11A

《巨輪II》陳凱琳登場 觀眾插演技浮誇

《巨輪II》負評王陳凱琳昨晚終正式登場!飾演Nana嘅佢帶信(蕭正楠)及琳琳(劉思希)去選購食材,期間陳凱琳表情動作多多,觀眾睇完後插陳凱琳演技太浮誇!

 

延伸閱讀︰

《巨輪II》負評多 陳凱琳成箭靶

《巨輪II》陳凱琳角色亦正亦邪

 

街邊除衫就代表好輕鬆?

小編相信,《巨輪II》為塑造陳凱琳演嘅Nana係愛自由兼貝野性一面,所以就安排呢幕街邊除衫畫面!不過,感覺太突兀,而且陳凱琳骨杉杉身材冇乜睇頭!

 

動作超誇張

除完衫後,陳凱琳再拎走紮頭髮橡筋,除了撥弄秀髮,仲誇張到向前揈鬆啲頭髮,頭部再向左側彎曲,咁誇張嘅解除束縛演繹方式,真係第一次見!

 

表情太浮誇

陳凱琳應承帶信同琳琳去選購食材,不過二人見佢表現癲癲喪喪咁,唔知係咪信得過!而陳凱琳就以唔同浮誇表情去安撫二人,最後嘅回眸一笑更有點嚇人!

 

趕住去投胎

陳凱琳身為嚮導,完全冇視信同琳琳感受,一支箭向前衝,好似趕住去投胎咁!之後琳琳指要回酒店,解決香港公司電腦系統問題,陳凱琳更怒睥對方,今時今日咁嘅服務態度,真係唔要得!

 

同場加映穿崩位:邊跑邊換鞋?

陳凱琳為幫好友出頭,帶埋信去搵賤男大城,搵到後一腳踢落對方下體!雖然出了一口氣,但大城班馬仔要追殺二人,陳凱琳同信梗係拖實走啦!而陳凱琳原本穿嘅黑色平底鞋,轉個畫面就已經變咗對露趾厚底鞋,唔通佢識變魔術!?

全文完