林峯

【使徒行者3】林峯欽點翻版鍾嘉欣拍《使徒3》 蔡思貝坐歪!

近年轉戰影壇的林峯,八月將回巢無綫拍《使徒行者3》,唔少林峯、佘詩曼擁躉,都期待爆Seed同釘姐可以再續情緣,可惜拍完《延禧攻略》內地爆紅,阿佘無法抽身回歸,最終辭演,女主角花落誰家一直成謎,早前已經試埋造型的姣花蔡思貝,專登駁長髮增添清純氣質,被指會頂替阿佘做女一,但原來姣思貝只能靠邊站做女三,真正擔正的是被無綫喻為今年最搶新人,外形純過蒸餾水,大有當年鍾嘉欣女神氣質的17年國際中華小姐亞軍林宣妤,索女有機埋男神身,外形條件又啱晒峯哥杯茶,唔知峯嫂張馨月 會唔會呷醋呢!?

撰文:東方新地 圖片:新傳媒圖片、IG

【使徒行者3】林峯欽點翻版鍾嘉欣 拍《使徒3》

《使徒行者3》將於八月開拍,是14年《使徒行者》延續篇,無綫千辛萬苦請到林峯回巢,觀眾最期待林峯演的爆Seed可以同釘姐佘詩曼重逢,不過,阿佘一早已接內地劇所 以推咗,令誰拍林峯演出一直成為該劇焦點。新劇陣容未正式 公布,據悉除咗林峯同三哥苗僑偉,以及演覃歡喜的許紹雄繼 續孭重飛,還加入新角色由馬國明做社團大佬,女演員方面還有黃智雯同蔡思貝。

23歲林宣妤,被無綫喻為今年重點力捧秘密武器,早被睇高一線成為花旦鍾嘉欣接班人,外表清 純甜美的她,確實有當年嘉欣BB女神氣質,難怪會畀林峯睇中,欽點拍《使徒3》做劇中情人。

 

緋聞不絕的蔡思貝,姣史一大籮,最終只能在《使徒 行者 3 》坐歪做女三,劇中演卧底的她,早前試造 型,特別駁長髮增添清純氣質,不過同真正純小花林宣妤相比,仍有距離!

監製愛將

早前蔡思貝專登駁長髮試造型,一度被指會頂阿佘做女 一,但原來五年後再回歸無綫再演爆Seed,林峯不單對劇本 要求高,對女主角同樣不容有失。據知情者透露:「阿峯梗係 想同阿佘再拍,但阿佘內地啲Job爆晒,接唔到都冇辦法,無 綫都有諗過搵當紮李佳芯(Ali)拍,但Ali今年已經要開《 BB 來了》續集,年底又要拍《踩過界2》,根本冇可能接到,監製蘇萬聰之前監製《鐵探》已經重用蔡思貝,今次都想搵蔡思貝擔正,但經各人商議後,覺得蔡思貝底太花,寧願用新面孔 可以畀觀眾新鮮感,無綫同林峯,最後揀咗氣質似足當年嘉欣 BB咁清純嘅華姐Serene(林宣妤)!」

坦言被劇本打動回巢幫無綫拍《使徒行者3》的林峯,對再演爆Seed不容有失,更有份參與揀角。

今年3月,林峯與無綫副總經理(節目及製作)杜之克 一同出席記者會,宣布回巢幫無綫拍《使徒行者3》。

贏在起跑線

23歲的林宣妤,是16年《 Astro國際華裔小姐》冠軍及最上鏡小姐,在馬來西亞華人圈,更有「全民女神」封號,17年 代表馬來西亞參加國際中華小姐競選時,已經鋒芒畢露,雖然 最終大熱倒灶敗給余思霆,但清純甜美條件優越的她,早被公 認是最具潛質彈出的上位新小花,今次有望上位,成功拍正重頭劇演出,未演已經贏在起跑線。

來自馬來西亞的林宣妤(左一),是 17年國際中華小姐冠軍,參選時已是一班佳麗風頭躉,即使大熱倒 灶敗給余思霆屈居亞軍,仍被網民追捧為最有機會上位花旦,好有觀眾緣。
當年唔少觀眾趕返屋企睇《使徒行者》,難怪林峯宣布回巢拍《使徒3》,觀眾都好期待爆Seed可以同釘姐續緣。

 

 

《使徒行者3》會加入馬國明和黃智雯,馬國明更首演反派做社團大佬。

 

一門三美

早年同家人移居馬來西亞的林宣妤,17年選完華姐即簽約無綫來港發 展,外形條件標青的她,媽咪竟然有幾分似藝人何雁詩,屋企更一門三 美,連家姐細妹都係靚女。

擁有純天然靚樣的林宣妤,平日最愛做瑜伽keepfit。

 

備受無綫力捧的林宣妤,近期有份參演由田蕊妮擔正的 《她她她的少女時代》,亦有份客串演出《極道怪咖》。