feat_1161_2

54歲劉嘉玲出錢出力無架子! 留港落區向弱勢社群派抗疫物資

平日熱愛旅行、識飲識食、懂得享受生活嘅影后劉嘉玲,近日亦關注到社會上一班弱勢社群,喺武漢肺炎肆虐下物資嚴重短缺,嘉玲姐決定身體力行親身落區向有需要人士派贈抗疫物資,愛心爆棚!

撰文、圖片:東方新地

劉嘉玲留港落區向弱勢社群派抗疫物資

肺炎疫情下,嘉玲選擇留港與市民共同抗疫,連日來更數度出動行善,佢先到庇護工場派米及口罩,嘉玲話:「留低嗰啲人係冇屋企人㗎喇,有屋企人呢就返咗去屋企。」佢仲同宿舍嘅小朋友玩遊戲又跳舞㖭!嘉玲慨嘆:「佢哋都幾艱難,平時要接啲手工藝返嚟加工,因為佢哋係有少少弱智,依家咁嘅環境可能更加難搵到嘢做。」

為善最樂,劉嘉玲連日來落區向有需要人士派贈抗疫物資,非常有心!
為善最樂,劉嘉玲連日來落區向有需要人士派贈抗疫物資,非常有心!
探訪當日共派發15,000個口罩,人人有份皆大歡喜。
探訪當日共派發15,000個口罩,人人有份皆大歡喜。
除咗到訪庇護工場,嘉玲又走入社區,向長者送暖,派發口罩、生果、白米同飯盒等物資。
除咗到訪庇護工場,嘉玲又走入社區,向長者送暖,派發口罩、生果、白米同飯盒等物資。

自言幫到人時自己亦獲益良多

嘉玲謂此行不單幫助一班智障嘅小朋友,自己亦獲益良多:「我去到其實都有得著嘅,見到佢哋好純真嘅笑容,好簡單,好易滿足,其實我都喺度修行緊,我都學緊嘢。」翌日,嘉玲再度走入社區,向長者派發口罩、生果、白米同飯盒,當遇上街坊要求合照時,嘉玲亦冇托手踭一一答應,更主動彎下腰配合小粉絲,又同排緊隊嘅老人家合照,一啲明星架子都冇,非常親切。心善則美,嘉玲姐真係由內靚到外!

庇護工場宿舍嘅小朋友玩遊戲兼跳舞,嘉玲坦言獲益良多。
庇護工場宿舍嘅小朋友玩遊戲兼跳舞,嘉玲坦言獲益良多。

54歲劉嘉玲出錢出力無架子! 留港落區向弱勢社群派抗疫物資

逗留咗幾粒鐘又玩又合照與眾同樂,嘉玲全程投入非常enjoy!
逗留咗幾粒鐘又玩又合照與眾同樂,嘉玲全程投入非常enjoy!

關鍵詞
劉嘉玲