os_feat_1150_wing

厚顏30歲黃心穎深潛8個月後回歸 發毒誓戒淫搏翻身

玩火足以致命,慾火都唔可以立亂玩。深潛8個月後黃心穎終於在上周六(14日)高調飛返香港,厚顏黃心穎為復出更發毒誓戒淫,面對記者雖然谷盡眼淚,個但道歉內容連一句「對唔住」也沒有,hea住道歉就想博好感翻身?不了。

撰文、圖片:東方新地

黃心穎背馬明姣淫許志安 藉《牛下》網上試水溫

今年4月黃心穎背住當時男友馬國明在車內姣淫人夫許志安,結果兩敗俱傷,黃心穎冇面見人飛美國避世,前途盡毀。深潛8個月後,隨住劇集《牛下女高音》見光,黃心穎在社交網蒲頭試水溫,上周六(14日)更進一步行動,高調飛返香港,黃心穎在無綫安排下,由多位經理人護身,步出香港機場見記者,谷盡眼淚hea住道歉博好感,卻不時偷笑換來反感。

上周六(14日) 早上7時許,黃心穎由美國返抵香港,步出禁區時見她笑住行,見到遠處在等她的記者即抿嘴忍笑。
上周六(14日) 早上7時許,黃心穎由美國返抵香港,步出禁區時見她笑住行,見到遠處在等她的記者即抿嘴忍笑。
愈行近記者,黃心穎個樣開始變,話晒出事後第一次見記者,唔扮慘點得?

深潛8個月後發福見記者即扮慘谷眼淚

深潛多月好食好住,黃心穎身形與面形都明顯發脹,重妝下面容浮腫,更配合民情刻意扮成楚楚可憐的樣子。行出禁區見在場大批記者等著採訪,本來嘴角帶笑意的她突然低下頭培養感情,再抬頭時剛好行到記者堆前,黃心穎已熱淚盈眶,校準時間眼淚鼻涕直流。

明明係偷食女主角,黃心穎一埋位就成功谷眼淚哽咽,中途仲鼻水都出 埋,不過笑住喊被指戲假。

搏翻身發毒誓戒淫 硬頸唔肯講「對唔住」零誠意

雖然黃心穎一早準備好台詞,表面上是承認自己所做的錯事,不過硬頸的她依然沒有親口講出一句「對唔住」或對受影響的其他人講出道歉說話,期間有否聯絡馬明及安仔,她忍住笑意拒絕回應,難怪她回港後,大部分網民都指她全沒誠意,一面倒給予負評及鬧爆她,更質疑她為返港大翻身做「大龍鳳」,不過扮慘演技卻唔夠班。

雖然喊住講感受,但黃心穎口中一句「對唔住」都冇,被指 毫無誠意道歉。
有得返香港出生天,黃心穎似乎如釋重負,難掩開心興奮之情。
面上條淚痕都費事抹走,邊行邊笑,個樣其實有點得戚。

無綫欲放生聖誕過後會安排工作

12年參選港姐入行的黃心穎,很快就受到無綫力捧,上位成為當家小花,而一直對她寵愛有加的無綫助理總經理(藝員管理及發展)樂易玲就黃心穎回歸一事回覆傳媒時表示,目前會先讓她休息,給時間她陪家人,過完聖誕再傾工作的事,看來無綫將重新給予機會及早已有所安排。

離開機場後,黃心穎在經理人護送下返回位於油塘的香閨,整日未有再外出。
黃心穎返家後不久,家姐黃心美即現身,愛妹心切的她看來已有一段時間沒見黃心穎,所以非常心急。

厚顏黃心穎道歉台詞全篇:

黃心穎:「大家好,好耐冇見,我好開心因為我終於返到屋企喇!我好想藉住呢個機會多謝一啲人,我有啲好好嘅朋友,好好嘅同事,尤其係我屋企人,辛苦晒佢哋,甚至乎有啲唔係好識嘅人,佢哋都會send messages嚟或者留言,去畀咗好多力量我今日企喺呢度。喺過去差唔多8個月,都係好努力咁生活啦!雖然外界有好多嘅猜測,但我只不過係喺度好努力咁生活。I made a mistake,and I try really hard to live with it,to learn from it,但同時我都覺得我要 Move on喇!我都想繼續向前行、向前望,無論係我想講嘅、要講嘅,私底下同公開我都講咗,所以喺呢件事上面,我都唔會再有任何回應。而今次返來最主要係陪我屋企人,因為真係好耐冇見,希望大家畀多啲空間我哋,呢段時間多謝大家關心,辛苦晒!」

高調飛返香港,谷盡眼淚hea住道歉博好感,卻不時偷笑換來反感。