ronng

吳卓羲鍾情買車買勞買磚頭 做古天樂MV Dancer結緣 有樣學樣開玩具博物館營業一年現危機

娛聞

吳卓羲最令人津津樂道當然是三年供完一層樓,視買磚頭為興趣,而且興趣廣泛,仲愛買名錶買名車。開講有話玩物喪志,不過有錢就買乜都得,好似古仔古天樂咁,早於十幾年前已經有米到斥資買過萬呎工廈做玩具倉,吳卓羲亦有樣學樣,19年在北京開了全國第一間figure博物館,齊齊做玩具大王。

撰文:東方新地 |圖片:吳卓羲微博、東方新地

吳卓羲除了當買樓及收藏電影模型玩具為興趣外,原來仲有鋪買車買錶癮,在伍詠薇、林盛斌主持的《Tiger’s Talk》上被嘉賓之一的陳山聰爆料,指吳卓羲在十多年前還算是新人時,拍攝古裝劇《大唐雙龍傳》時已戴勞力士開工:「呢條友,嗰時佢已經戴Rolex Daytona、白面嘅,嗰時我戴膠錶咋,佢嗰隻錶依家升值到三十幾萬啦。」

陳山聰爆料指吳卓羲十多年前已戴勞返工,好富貴。
陳山聰爆料指吳卓羲十多年前已戴勞返工,話自己戴膠錶,講時一臉妒忌。

吳卓羲獨愛勞力士

吳卓羲當場被主持伍詠薇笑穿上古裝武劍都戴勞力士,好威水,吳卓羲解釋:「嗰時冇咁貴,好平,幾萬左右﹗」他承認喜愛買錶而且獨愛「勞」,原來因為一個原因:「嗰時睇日劇見木村拓哉戴住369,呢個係每個男仔嘅夢想囉,會諗戴咗就變成木村咁﹗」又指自己約有四十隻名錶,而且獨愛勞力士。

陳山聰爆吳卓羲戴住白色「地通拿」去拍古裝《大唐雙龍傳》。
陳山聰爆吳卓羲戴住白色「地通拿」去拍古裝《大唐雙龍傳》,吳卓羲講笑話在羅湖城購入,全場大笑。
吳卓羲透露因為木村拓哉而愛上勞力士,是男仔夢想。
吳卓羲透露因為木村拓哉而愛上勞力士,指這是每一個男仔夢想。
前輩吳啟華同樣愛買錶,透露約有四十隻名錶,而後輩吳卓羲亦表示其名錶收藏數目跟吳啟華相若。
前輩吳啟華同樣愛買錶,透露約有四十隻名錶,而後輩吳卓羲亦表示其名錶收藏數目跟吳啟華相若。

吳卓羲擁7輛車

講完名錶到名車,阿Bob問嘉賓們有幾多架車,大家都指住吳卓羲指佢是愛車之一,在逼供下,吳卓羲答:「七架﹗」伍詠薇笑問:「有七架車?你可唔可租一間畀我住?」吳卓羲解釋因為當中有限量版的車,有錢都買唔到而且會升值,又指甚少會見到他在街上,因為出入開車,大部分時間在車上,而且熱愛遊車河,伍姑娘笑他:「佢冇腳㗎﹗」阿Bob笑佢:「人哋去放狗,你去放車﹗」

吳卓羲對「勞」情有獨鍾。
吳卓羲對「勞」情有獨鍾。

新玩具大王古天樂 耗資千萬創建私人玩具王國

男仔玩具可大可小,睇古天樂就知,一直是超級科幻電影迷,家住億萬豪宅的他,以收藏電影模型玩具為樂,更耗資千萬元在火炭創建他的私人玩具王國,收藏天價玩具得閒自娛,好誇張。

古仔早年曾出書《玩具大戰》記載他儲玩具的心路歷 程,因為多年來的珍藏近萬件, 07 年他索性斥資六百 萬,在火炭購入一廠房單位,開設自己的私家玩具倉。
古仔早年曾出書《玩具大戰》記載他儲玩具的心路歷 程,因為多年來的珍藏近萬件, 07 年他索性斥資六百 萬,在火炭購入一廠房單位,開設自己的私家玩具倉。

古天樂除了是香港近年的娛樂大亨,仲係新的玩具大王,十年前他已擁有過萬呎的玩具倉,不過從未作公開展覽,一直只 選擇性招呼自己友「入宮」 欣賞他的珍藏品,裡面珍藏無數件絕版1:1恍如真人的模型之外,更是主人家平時「閉關」的秘密私人地帶,絕對讓人歎為觀止。

古仔收藏品與日俱增,光是 1 : 1 的玩偶更有近百個。
古仔收藏品與日俱增,光是 1 : 1 的玩偶更有近百個。
從小愛看科幻片的古仔,特別鍾情《星球大戰》的黑武 士,而他搜集電影模型的興趣,亦緣起於 03 年,他赴康城參加影展期間,經過玩具店見到一個 1 : 1 的半 身黑武士模型,脫去面具露出真面目,可謂一見傾心。
從小愛看科幻片的古仔,特別鍾情《星球大戰》的黑武 士,而他搜集電影模型的興趣,亦緣起於 03 年,他赴康城參加影展期間,經過玩具店見到一個 1 : 1 的半 身黑武士模型,脫去面具露出真面目,可謂一見傾心。

吳卓羲撲水買玩具 去北京開博物館

早年為古仔伴舞而識於微時的吳卓羲亦有樣學樣,19初,在北京開了全國第一間figure博物館,名為《吳卓羲個人雕像模玩博物館》,展出了他收藏的超級英雄figure,包括Marvel、DC都有,非常豐富。

吳卓羲收藏品最貴的是價值 13萬的 1:1鋼鐵俠銅 像,以及他身後的 1: 1蝙蝠俠銅像。
吳卓羲收藏品最貴的是價值 13萬的 1:1鋼鐵俠銅 像,以及他身後的 1: 1蝙蝠俠銅像。
吳卓羲多年收藏以鋼鐵俠, 漫威、DC等超級英 雄模玩手辦為主,其藏品豐富程度足以 讓他開博物館。
吳卓羲多年收藏以鋼鐵俠, 漫威、DC等超級英 雄模玩手辦為主,其藏品豐富程度足以 讓他開博物館。

因〈今期流行〉MV結緣 與古仔玩味相投

知情者說:「古仔同阿Ron(吳卓羲)識咗好多年,當年古仔唱〈今期流行〉,阿Ron 就係其中一個dancer,以前佢哋一見面會傾車傾玩具,大家有同樣嘅興趣自然投契,之後古仔紅到發紫,收藏嘅玩具同模型全部都係天價,阿Ron嗰時仲未上位得個恨字,到近年總算喺大陸有市場,返香港又有戲拍,搵到錢就喺北京開博物館滿足吓自己,雖然有國內單位同佢合作,不過都要負責部分費用,再加上阿Ron仲不停搜購新玩物,真係搵少啲都唔掂。」據知博物館開業一年來,人流愈來愈少,而開支每月都實報實銷,要keep住呢個玩具夢真係要用錢去維持,難怪吳卓羲要努力搵錢供養佢啲珍藏啦!

當年古仔唱〈今期流行〉,阿Ron 就係其中一個dancer。
當年古仔唱〈今期流行〉,阿Ron 就係其中一個dancer。
博物館開業初期非常多人慕名而來,當中有不少是吳卓羲國內 的忠粉。但博物館開業一年來,人流愈來愈少。
博物館開業初期非常多人慕名而來,當中有不少是吳卓羲國內 的忠粉。但博物館開業一年來,人流愈來愈少。
模型博物館開幕當日。
模型博物館開幕當日。
博物館內,大型同小型的模型都有。
博物館內,大型同小型的模型都有。
吳卓羲興趣多多,有錢先可以支持。
吳卓羲興趣多多,有錢先可以支持。

讀者留言