feat_1194_242

哈比姊妹黃美棋、糖妹玩另類staycation 望海睇景潛水擦海鮮

黃美棋與鍾健威拍拖七年感情穩定,不時在社交網放閃,近月受疫情影響,二人除了宅在家開直播jam歌外,仲頻頻拍住拖出海潛水。不諳水性的黃美棋去年處女下潛一試愛上,仲導埋哈比人好姊妹糖妹(黃山怡)齊齊考潛水牌。早前一行人到西貢潛完水,糖妹跟大隊去望海睇景,之後再去黃美棋的村屋玩樂,呢個Staycation真特別。

撰文、圖片:東方新地

黃美棋、鍾健威考定牌出埠潛

黃美棋與男友鍾健威有共同嗜好,喜歡音樂與運動,閒時一齊健身與滑水,拍拖生活絕不枯燥,去年開始他們更一齊跟教練學潛水,探索香港美麗的海洋世界,二人同居於西貢區,經常於西貢一帶出海,近月受疫情影響,在限聚令下社交活動驟減,不過潛水次數反而增加,黃美棋與男友更成功考獲潛水牌。

黃美棋與鍾健威喜歡招呼好友到家作客,日前鍾健威36歲生日,黃美棋在家中天台為男友搞生日BBQ派對
黃美棋與鍾健威喜歡招呼好友到家作客,日前鍾健威36歲生日,黃美棋在家中天台為男友搞生日BBQ派對
不過就由鍾健威親自燒海鮮。
不過就由鍾健威親自燒海鮮。
疫下減少外出用餐,黃美棋經常買海鮮返屋企打邊爐,真係食龍蝦多過食飯。
疫下減少外出用餐,黃美棋經常買海鮮返屋企打邊爐,真係食龍蝦多過食飯。
黃美棋與鍾健威同居於西貢村屋二樓連天台單位,二人有結婚打算,鍾健威最近更放風想買樓。
黃美棋與鍾健威同居於西貢村屋二樓連天台單位,二人有結婚打算,鍾健威最近更放風想買樓。
黃美棋與鍾健威近年跟有多年潛水經驗的教練堅 Sir學潛水,三人亦師亦友,感情不錯。
黃美棋與鍾健威近年跟有多年潛水經驗的教練堅 Sir學潛水,三人亦師亦友,感情不錯。

招呼糖妹staycation潛水擦海鮮

因為疫情不能外遊,黃美棋與鍾健威在香港潛水一樣找到樂趣,就連糖妹(黃山怡)亦受到好姊妹感染,跟同一個教練學潛水,據知情者透露:「美棋本身游水唔叻,對水上活動都麻麻,但阿 Ray(鍾健威)好鍾意玩水上活動,去年美棋跟阿 Ray去潛水,畀海底世界吸引住,發現原來香港都可以有咁多咁靚嘅珊瑚同海洋生物,所以就鍾意咗潛水,仲成功考埋潛水牌,等疫情一過,佢哋就飛去其他地方潛水。美棋仲導埋糖妹一齊做海之女,得閒就約埋出海,潛完水就返美棋屋企食吓海鮮玩吓,當去酒店 Staycation咁,多幾個人都唔怕違犯限聚令。」

黃美棋、糖妹及鄺潔楹因拍攝無綫節目《香港美食一條街》而成為好友,三人更因為身材矮小被封「哈比一族」。
黃美棋、糖妹及鄺潔楹因拍攝無綫節目《香港美食一條街》而成為好友,三人更因為身材矮小被封「哈比一族」。
哈比姊妹花素顏現身西貢,童星出身的黃美棋不經不覺已31歲,擁有不老童顏的糖妹原來亦33歲。
哈比姊妹花素顏現身西貢,童星出身的黃美棋不經不覺已31歲,擁有不老童顏的糖妹原來亦33歲。
黃美棋身穿 T恤貼身 leggings,糖妹則連身長裙一條,二人同踢拖又冇戴口罩,防疫意識勁低。
黃美棋身穿 T恤貼身 leggings,糖妹則連身長裙一條,二人同踢拖又冇戴口罩,防疫意識勁低。
這日黃美棋與男友鍾健威及糖妹出海潛完水,到西貢市茶餐廳醫肚,之後離開在路邊等車。
這日黃美棋與男友鍾健威及糖妹出海潛完水,到西貢市茶餐廳醫肚,之後離開在路邊等車。

哈比姊妹黃美棋、糖妹玩另類staycation 望海睇景潛水擦海鮮

早前黃美棋與糖妹一同現身西貢,看二人素顏一身隨意打扮,看來剛出海潛完水,同行除了鍾健威,還有他們的潛水教練堅 Sir及一男友人。一行五人在西貢茶餐廳醫完肚,便坐上教練的四驅車,直駛黃美棋與鍾健威的西貢村屋愛巢。到達後黃美棋先返家,糖妹與其他三人就行到附近的海邊視察環境,三王一后望完海就拉大隊返回黃美棋屋企。在黃美棋的社交網中可看到她與鍾健威的生活點滴,離不開食與玩,三日唔埋就準備大量海鮮 BBQ或打邊爐招呼好友,學定潛水做海女,第時可以自給自足囉!

眾人坐上潛水教練的四驅車前往黃美棋與鍾健威同住的村屋,到達後黃美棋一支箭標返屋企。
眾人坐上潛水教練的四驅車前往黃美棋與鍾健威同住的村屋,到達後黃美棋一支箭標返屋企。
糖妹則跟隨鍾健威等人行到附近的海邊,一字排開睇海。
糖妹則跟隨鍾健威等人行到附近的海邊,一字排開睇海。

哈比姊妹黃美棋、糖妹玩另類staycation 望海睇景潛水擦海鮮

連坐船都會暈船浪的黃美棋,為欣賞更多海洋生物而學潛水,每次都要食定暈浪丸出海
連坐船都會暈船浪的黃美棋,為欣賞更多海洋生物而學潛水,每次都要食定暈浪丸出海
糖妹
糖妹
早前她與糖妹一齊潛水,看到美麗的水母,二人差不多同時間放上IG分享。
早前她與糖妹一齊潛水,看到美麗的水母,二人差不多同時間放上IG分享。

哈比姊妹黃美棋、糖妹玩另類staycation 望海睇景潛水擦海鮮