mak

獨家直擊喊爆講數 麥明詩上林作屋企執嘢走

本周二(6日)晚上十時左右,麥明詩到將軍澳電視城為周日嘅港男決賽做綵排,期間獨自行到空地講電話,見佢傷心喊爆,不時用手抹去臉上淚痕,傾咗大約半小時後才掛線入廠綵排,唔通當時正同林作講數!?

 

延伸閱讀︰

Jessica C.踢爆 伍允龍帶劉佩玥見老友

激罕!袁偉豪 自爆那些年校草真身

 

mak

喊爆講數

電話一傾就半小時,之後麥明詩入咗去走廊繼續傾電話,見佢心情稍為平靜,但其時雙眼已通紅。

 

到林作家執嘢走

直至凌晨一時收工,麥未有返家休息,而係駕車直駛林作位於麥當勞道嘅豪宅,甫下車,麥明詩見本刊記者強顏歡笑,問到剛喺TVB喊得好緊要,她說:「冇呀!OK…(感情定工作上問題?)都係壓力,各方面…(同男友感情點?)朋友囉!諗住叫佢拎番啲嘢俾我,但你哋喺度!」

麥明詩帶住疲乏嘅身軀去林作屋企攞嘢,入電梯後個樣愁爆!

降呢做朋友

麥之後上樓近一小時後才下樓,問到林媽媽都好想二人復合,麥明詩無奈說:「拍拖係兩個人嘅事,都盡量唔理其他嘅嘢!(會否擔心林媽媽好傷心?)我諗佢最緊要都係個仔嘅決定!(之前傳林媽媽送六千五百萬嘅單位俾你?)唔係好清楚佢啲嘢,點都唔係俾我啦!佢(林作)都冇搬到!」執嘢走,仲將男友降呢為朋友,睇嚟「明作戀」真係畫上句號!

 

感到好迷惘

麥明詩日前接受《新地》Live fb訪問,問到是否已同林作復合,麥明詩表示只係食lunch!至於近期有否異性追求,麥明詩笑言唔可以控制其他人做乜,「其實我覺得人長大了,人與人之間唔係咁清,當然唔係我想唔清晰(開始緊張,抓頭髮)…我驚我講到喊(手掩面)…唔係話可以咁清晰…人非草木!」當問到依家係咪感到好迷惘時,麥明詩直認:「我係好迷惘!(因為林作?)其實唔係喺佢身上,因為我依家廿幾歲,好多人喺呢個位都好lost!」此時,麥明詩掩面強裝笑容,但雙眼已通紅!

 

提感情事落淚

麥明詩自認係一個大情大性之人,不過,佢坦言身邊人未必了解佢感受!「其實,好多事好易令我開心,但唔係人人都get到,我覺得我係有啲奇怪,我要嘅開心係佢要明白我嘅emotions,或者佢幽默感要好特殊,變咗唔係個個都氹到我開心!但唔係送花送咭能觸動到我!」當記者再問原諒咗佢(林作)未,麥明詩即情緒爆發,激動落淚說:「我覺得唔係話原唔原諒,件事唔係你哋睇到咁簡單!」

 

林作夜蒲識女仔

咁件事到底係點?早前麥明詩忙於在深圳拍無綫新劇《賭城群英會》,但同時林作就被發現與女友人Victoria夜蒲銅鑼灣,仲當街向對方「抄牌」。如此「明張目膽」,難怪麥明詩即時嬲爆!據知麥明詩在深圳拍劇時已經喊足好多日,一度拒聽男友電話,又難怪麥明詩到依家心情都未平伏!

之後麥明詩返港與林作見面,二人去到中環一意大利餐廳,據聞係佢哋第一次約會的地方,所以別具意義。期間林作都誠意十足,有風度地替女友點餐,又主動幫女友搞勻飲品。誰不知食飯途中氣氛急轉直下,麥明詩突然激動喊出嚟,不斷飲泣,林作頓時嚇得不知所措,只係不斷遞紙巾給女友,不斷氹女友補鑊。

 

FB留言冧女

麥明詩傷心唔係冇原因,之前林作曾被發現不時在Victoria fb留下曖昧字句︰「I can’t stare at this profit pic a moment longer because I fear I might fall in love with you… oh too late」(我不敢再盯著看這張相多一刻,因為我怕我會愛上你……噢,太遲了!) 嘩口花成咁,試問邊個女朋友會唔嬲?

呢位同林作過從甚密的Victoria原來跟林作一樣畢業於牛津大學,亦係法律系學生。佢去年曾任終審法院的司法助理,現時係大狀,同林作平起平坐!對此林作就指「抄牌」事件純屬一場誤會,仲話其實麥明詩都認識Victoria。睇番舊相,佢哋又真係有同場出現過喎!

全文完