AB

多功能老婆 | 洪永城自加摸啜戲被封「多嘴城」 同朱晨麗互咬!

2019年人氣劇集《多功能老婆》將於農曆年初一晚上開始在無綫深宵時段重播,劇集當年拍攝時原來曾出過一單「鹹豬嘴」事件,飾演巴辣人妻思蕾的朱晨麗曾大爆遭拍檔洪永城自加摸啜戲,令她委屈到向監製陳寶華求助,其後洪永城回應事件時,表示自己係專業演員,加戲純為拍攝效果,更話希望朱晨麗⋯⋯

文、圖:東方新地

洪永城擅加摸啜戲 朱晨麗嚇到唔識畀反應

娛樂圈抽水事件屢見不鮮,朱晨麗就曾委屈爆出在拍《多功能老婆》期間被拍檔洪永城擅加摸啜戲,令她唔識反應。因為同洪永城在劇中扮演恩愛夫妻,當中兩人有唔少親密場口,朱晨麗受訪時就不吐不快表示:「我同佢有好多親密動作,不過寶華姐(劇集總監製)劇本寫得好好,係點到即止,唔多亦唔少,不過佢(洪永城)就自己加咗好多摸我、錫我嘅戲,有一次仲突然錫落嚟,我唔知點反應,如果唔係錄影緊,我一定推開佢!有時我表現好enjoy,其實個心諗緊你摸完未?」

洪永城自加摸啜戲被封「多嘴城」 同朱晨麗互咬
在《多功能老婆》同朱晨麗演恩愛夫妻的洪永城,對住上圍34D的朱朱,多次情不自禁向劇中老婆自加摸啜戲,事件爆出後,洪永城回應事件冇誠意道歉,更不停自圓其說,表示:「希望佢日後講嘢小心啲!如果有冒犯令佢唔舒服,我唔好意思!我都係專業演員,有啲場口我想生動啲同得意啲啫!」
洪永城自加摸啜戲被封「多嘴城」 同朱晨麗互咬
首次演出活潑巴辣人妻思蕾入型入格的朱晨麗,演出被網民激讚。
洪永城自加摸啜戲被封「多嘴城」 同朱晨麗互咬
原來她還好有專業精神,即使被洪永城多次突襲加親熱戲,都繼續完成拍攝。

洪永城扮大牌被稱「洪爺」 小花暗稱「多嘴城」

近年劇接劇的洪永城,拍親熱戲向對手加料其實早已傳遍電視城,不過小花怕事敢怒不敢言,亦令他有恃無恐,愈拍愈猖狂,令小花拍親佢都提心吊膽。據知情者透露:「呢期佢咁多劇開,已經當正自己係阿哥,改對白加戲已經係等閒事,對工作人員態度亦好差,試過PA叫佢埋位,如果未齊人要佢等,佢會發脾氣,工作人員都稱呼佢『洪爺』,對啲女拍檔,連親熱戲都自己加插,搞到班女拍檔個個有冤無路訴,唔敢出聲,其實班幕後工作人員一早都睇唔過眼,小花喺背後仲叫Tony做『多嘴城』,所以今次朱朱挺身而出大快人心,希望佢日後檢點啲!」

洪永城自加摸啜戲被封「多嘴城」 同朱晨麗互咬
被指「阿哥」上身的洪永城,被爆拍《多功能老婆》自加摸啜戲後,據知不停背後狂唱朱晨麗大口,當時孖 「受害人」朱晨麗宣傳時,在劇中的默契不再,仲明顯面左左。

醜行事件爆煲,唔少受害小花背後力撐朱晨麗肯挺身爆大鑊,可惜罪魁禍首洪永城回應事件冇誠意道歉,表示自己加戲純為拍攝效果!更背後唱朱晨麗大口令他形象受損,二人在電視城已成貼錯門神!

洪永城自加摸啜戲被封「多嘴城」 同朱晨麗互咬
上位被捧,洪永城近年不時扮大哥,拍劇自改對白兼自加親熱戲,令一班小花拍檔聞城色變,更在背後封他「多嘴城」。
洪永城自加摸啜戲被封「多嘴城」 同朱晨麗互咬
觀其早前擔正演出的兩套劇《丫鬟大聯盟》及 《黃金有罪》,他同劇中兩位女主角黃心穎及陳瀅都有唔少親熱場口,據知他亦有肉緊加戲。

洪永城唔認錯 不甘被唱反咬朱晨麗

其實入行已有十年的朱晨麗,拍劇出名夠博唔錫身,幾乎每套劇都有咀戲,當中男對手有馬國明、吳卓羲、袁偉豪及譚俊彥等,不過拍攝時個個皆屬正人君子,朱晨麗亦多次大讚同拍檔合作愉快,今次罕有爆出洪永城加咀戲事件,明顯真係唔想有人「冇王管」!

洪永城自加摸啜戲被封「多嘴城」 同朱晨麗互咬
周柏豪和楊千嬅在台慶頒獎禮憑劇集《多功能老婆》攞到最受歡迎電視男、女角色獎。
洪永城自加摸啜戲被封「多嘴城」 同朱晨麗互咬
在《萬千星輝頒獎典禮》上,洪永城跟朱晨麗全程零交流。完騷一刻,洪永城即黐實黃翠如密密傾,朱晨麗則同閨密楊千嬅及陳煒開心自拍!

據知情者透露:「Tony(洪永城)恃住喺劇做朱朱(朱晨麗)老公,成日表現得好肉緊,係咁加親熱戲,好似捽手臂,掃背脊,試過朱朱拍完同佢講,話好似做多咗喎!Tony反應好大,話自己好有feel,想拍得逼真啲,真係大石砸死蟹,其實拍親熱戲,朱朱唔係未試過,每次都會同對手溝通清楚,唔會有唔舒服嘅感覺,冇諗過Tony會咁大膽,因為發生咗太多次,朱朱先會忍無可忍,最弊係之前試戲嗰陣, Tony都冇加咁多嘢,但每次一roll機正式拍, 佢就猴擒嚟料,係人都會覺得唔對路啦!」

洪永城自加摸啜戲被封「多嘴城」 同朱晨麗互咬
據知監製陳寶華創作拿捏準繩,每個場口都描敍仔細,朱晨麗跟洪永城的親熱場口更是點到即止,未想到洪永城會自加親熱戲,車廂咀戲寶華姐更要預先下伸脷禁令!

原來拍到後期,兩人一場車廂咀戲,朱晨麗更緊張到向寶華姐求助。據知情者透露:「因為兩個要喺車入面錫,朱朱驚Tony會突然情不自禁伸脷,拍之前,搵寶華姐拉埋Tony三個人當面講清楚,寶華姐下令唔准Tony拍嘅時候伸脷,佢先唔敢亂嚟!」

洪永城自加摸啜戲被封「多嘴城」 同朱晨麗互咬
面對洪永城扮老公過分投入,朱晨麗為後期劇中一場車廂咀戲,就曾向總監製陳寶華求助。
洪永城自加摸啜戲被封「多嘴城」 同朱晨麗互咬
據知寶華姐一度下禁令,講明要洪永城拍這場濕吻戲唔准伸脷,不過睇番場戲,洪永城仍然咀得非常肉緊,搞到朱朱嘴都歪埋!
洪永城自加摸啜戲被封「多嘴城」 同朱晨麗互咬
何廣沛對於緋聞女友朱晨麗被洪永城自加咀戲,就揚言拍親熱戲同女拍檔溝通好重要,更不滿話:「佢 (洪永城)可能急咗少少所以錫咗落去!」